ជីវិតកម្សាន្ដ

មាស សុខសោភា ធ្លាយដំណឹងត្រៀមចូលហង្សមាសឆាប់ៗនេះ ខណៈបច្ចុប្បន្នកំពុងចរចាកញ្ចប់ថវិកា

បានផុស

៣ years មុន

នៅ

ថ្ងៃពុធ ១១ វិច្ឆិកា ២០២០

ដោយ

ភ្នំពេញ ៖ ជាថ្មីម្តងទៀត អតីតតារាចម្រៀងរបស់ផលិតកម្មថោនសម្លេងស្រទន់អ្នកនាង មាស សុខសោភា ថ្មីៗនេះត្រូវបានប្រភពបង្ហើបឲ្យដឹងថា អំឡុងពេលឆាប់ៗខាងមុខនេះនាងអាចនឹងក្លាយជាតារាចម្រៀងចំណូលថ្មីរបស់ផលិតកម្មហង្សមាស ខណៈដែលកន្លងមកធ្លាប់លេចឮម្តងរួចមកហើយថាការចាកចេញពីថោកដោយសារតារាស្រីរូបនេះ មានជម្រើសផ្ទាល់ខ្លួន។

គេនៅចាំបានថា ក្រោយពេលដែល មាស សុខសោភា បានឈានជើងចាកចេញពីទ្រនំចាស់ ភ្លាមៗនោះក៏មានព័ត៌មានលេចឮអំពីការហក់ចូលផលិតកម្មហង្សមាសប៉ុន្តែជាចម្លើយត្រូវបានសាមីខ្លួនចេញមុខបដិសេធរាល់ការសួរនាំរបស់អ្នកសារព័ត៌មាន។ មិនខុសគ្នានេះប៉ុន្មានទេបន្ទាប់ពីស្ងប់ស្ងាត់ព័ត៌មាននេះមួយរយៈខ្លីក៏មានដំណឹងថ្មីទៀតថា មាស សុខសោភា អាចនឹងចរចាកុងត្រាចូលផលិតកម្មGalaxy តែដំណឹងនេះក៏ត្រូវបាននាងច្រានចោលផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលដែលដំណឹងខាងលើនេះ ហាក់មានការស្ងប់ស្ងាត់មួយសន្ទុះមកហើយនោះថ្មីៗនេះមានប្រភពជិតដិតជាមួយតារាស្រី មាស សុខសោភា បានបង្ហើបថាក្រោយពេលដែល មាស សុខសោភាចរចាត្រូវគ្នានូវកញ្ចប់ថវិកាជាមួយភាគីហង្សមាសនាងអាចនឹងក្លាយជាតារាចម្រៀងផ្លូវការរបស់ផលិតកម្មមួយនេះ នាពេលឆាប់ៗខាងមុខ។

ប្រភពបាននិយាយទៀតថា បើតាមការដឹង មាស សុខសោភា និងហង្សមាសអាចនឹងត្រូវគ្នាហើយព្រោះឮថា មានដំណឹងល្អ មាស សុខសោភា កំពុងតែត្រៀមខ្លួនរួចជាស្រេច។

ជុំវិញព័ត៌មានខាងលើនេះ នៅព្រឹកថ្ងៃទី១១ ខែវិច្ឆិកា ឆ្នាំ២០២០នេះ គេហទំព័រកម្ពុជាថ្មីមិនទាន់អាចទំនាក់ទំនងដើម្បីស្វែងរកបកសួរនាំបន្ថែមពីតារាចម្រៀងស្រី មាស សុខសោភា បាននៅឡើយទេខណៈភាគីហង្សមាសក៏មិនអាចស្វែងរកការបកស្រាយបានឡើយ។ដូច្នេះមហាជនមានតែរង់ចាំអ៊ុតមើលលទ្ធផលទាំងអស់គ្នានៅពេលក្រោយ។

គួររម្លឹកដែរថា តារាចម្រៀងអ្នកនាង មាស សុខសោភា កាលពីគ្រាកន្លងមកធ្លាប់ថ្លែងប្រាប់ឲ្យដឹងថាក្រោយពេលចាកចេញពីផលិតកម្មថោននាងពុំមានចេតនាហក់ចូលផលិតកម្មណាមួយនោះទេពោលគឺនាងបានផលិតបទចម្រៀងធ្វើការបង្ហោះផ្សព្វផ្សាយនៅលើបណ្តាញសង្គមយូធូនិងផលិតកម្មថ្មីរបស់ខ្លួន ដែលទទួលបានការសហការគ្នាពីដៃគូម្នាក់ទៀត៕
ដោយ ៖ ចាន់រ៉ា