ជីវិតកម្សាន្ដ

ឃើញពលរដ្ឋប្រជ្រៀតគ្នាបែបនេះ ប៉ែន ចំរ៉ុង សួរយ៉ាងខ្លីថា…..!

បានផុស

៤ years មុន

នៅ

ថ្ងៃអង្គារ ៤ ឧសភា ២០២១

ដោយ

ភ្នំពេញ ៖ ពិធីករប្រុសលោក ប៉ែន ចំរ៉ុង ក្រោយពេលឃើញមានការចែករំលែកនូវរូបភាពប្រជាពលរដ្ឋជា ច្រើនបានប្រជ្រៀតនាំគ្នាទៅចាក់វ៉ាក់សាំងការពារជំងឺកូវីដ-១៩នោះក៏បានបង្ហាញក្តីព្រួយបារម្ភចំពោះការឆ្លង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពដែលត្រូវបានចែករំលែកនៅលើបណ្តាញសង្គមហ្វេសប៊ុកនោះ ត្រូវបានគេបញ្ជាក់ថាកើតឡើងនៅចំណុចស្ទឹងមានជ័យ ដែលមានប្រជាពលរដ្ឋជាច្រើនបានប្រជ្រៀតគ្នាទៅចាក់វ៉ាក់សាំងនៅថ្ងៃទី០៤ខែឧសភានេះ។

ឃើញបែបនេះពិធីករប្រុសសម្បូរវោហាស័ព្ទលោក ប៉ែន ចំរ៉ុង បានលើកឡើងដោយក្តីព្រួយបារម្ភថា ទៅចាក់វាក់សាំងការពារមេរោគCOVID-19 ឬទៅចំឡងមេរោគCOVID-19?សុំយោបល់ម្នាក់មួយមកបងប្អូន។

ជាមួយគ្នានេះដែរ កន្លងមកលោក ប៉ែន ចំរ៉ុង ក៏តែងតែបង្ហាញសារអំពាវនាវដល់មហាជននិងបងប្អូនប្រជាពលរដ្ឋខ្មែរទូទាំងប្រទេសឲ្យមានការប្រុងប្រយ័ត្នហើយចូលរួមគោរពនិងអនុវត្តន៍តាមការណែនាំ ៣កុំ ៣ការពារផងដែរ៕

ដោយ ៖ ចាន់រ៉ា