ជីវិតកម្សាន្ដ

តារាស្រី២ដួងទម្លាយរឿងស្រដៀងកញ្ញា មាន ពេជ្ររីតា តែសំណាងល្អពួកគេរួចផុតគ្រោះថ្នាក់បែបនេះ

បានផុស

៤ years មុន

នៅ

ថ្ងៃពុធ ១២ ឧសភា ២០២១

ដោយ

ខណៈពេលដែលរឿងរ៉ាវរបស់ពិធីការិនីកញ្ញា មាន ពេជ្ររីតា កំពុងល្បីរីកសុះសាយពាសពេញបណ្តាញសង្គមហ្វេសប៊ុកនិងសារព័ត៌មានក្នុងស្រុក ក្នុងករណីរឿងរ៉ាវក្ដីក្ដាំជាមួយឧកញ៉ា ហេង សៀ នោះក៏ស្រាប់តារាស្រី២ដួងទម្លាយរឿងស្រដៀង មាន ពេជ្ររីតា ដែរតែសំណាងល្អពួកគេរួច ផុតគ្រោះថ្នាក់នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាស្រីទាំង២ដួងនេះគឺកញ្ញា សេង រដ្ឋា ដែលជា Miss Grand ខេត្តកំពង់ធំនិងតារាចម្រៀងស្រីកញ្ញា នីគីនីគី។ តាមរយៈនេះកញ្ញា សេង រដ្ឋា បានលើកឡើងថា និយាយការងារតាមtelegramនិយាយហើយលុបនិយាយហើយលុប។ សំណាងរបស់ខ្ញុំហើយ ដែលមិនបានសម្រេចចិត្តទទួលការងារពីបុគ្គលនោះ។ ចំណែកតារាស្រី នីគីនីគី ក៏បានលើកឡើងដែរថា សំណាងណាស់! ពិតជាសំណាងណាស់ ដែលខ្ញុំជឿលើសភាវគតិរបស់ខ្ញុំនៅពេលដែលនិយាយការងារមិនចេញសាច់ការអ្វីសោះ។ បន្ទាប់ពីបានទទួល ការងាររាប់ពាន់ដងហើយ វាពិតជាងាយយល់ណាស់សម្រាប់ពួកខ្ញុំក្នុងការសំគាល់ថា អ្វីធម្មតាអ្វីដែលខុសប្រក្រតី។ នាងបន្ថែមទៀតថា ត្រូវមានការប្រុងប្រយ័ត្នជានិច្ច ហើយបើការនិយាយស្ដីចេះតែផ្ដោតទៅលើតែតួនិងការជួបគ្នាផឹកកាហ្វេជាងការងារជាក់ស្ដែងទាក់ទងទៅនឹងconceptឬប្រភេទវីដេអូផ្សាយពាណិជ្ជកម្មគួរបោះបង់ការសន្ទនានោះទៅសុវត្ថិភាពសំខាន់ជាងលុយ។ សូមបញ្ជាក់ពួកខ្ញុំកម្រជួបភ្ញៀវប្រជុំផ្ទាល់ណាស់។

ខាងលើនេះ ជាសារចែករំលែករបស់តារាស្រីទាំង ២ដួងគឺកញ្ញា សេង រដ្ឋា ដែលជា Miss Grand ខេត្តកំពង់ធំនិងតារាស្រីកញ្ញា នីគីនីគី ដើម្បីជាបទពិសោធន៍និងចំណេះដឹងសម្រាប់មហាជនទូទៅក្រោយពីកើតមានករណីដ៏រសើបរបស់កញ្ញា មាន ពេជ្ររីតា៕

អត្ថបទ៖ ចាន់រ៉ា

សូមចុចអាន៖ តារាល្បីៗជាច្រើនចេញមុខអំពាវនាវរកយុត្តិធម៌ដល់ពិធីការិនី មាន ពេជ្រវីតា