ជីវិតកម្សាន្ដ

មកដល់ពេលនេះ វណ្ណា ស័ក្តិ និងម្តាយ បានប្រសើរជាងមុនខ្លះហើយ

បានផុស

៤ years មុន

នៅ

ថ្ងៃចន្ទ ១៧ ឧសភា ២០២១

ដោយ

លោកយាយ ណយ សំណាង ដែលជាតារាកំប្លែងនិងចម្រៀងអាយ៉ៃជើងចាស់ព្រមទាំងកូនប្រុស គឺតារាចម្រៀង វណ្ណា ស័ក្តិ ត្រូវបានបញ្ជូនទៅព្យាបាលនៅអាគារដឹព្រេមៀ សែនសុខ កាលពីរសៀលថ្ងៃទី១៤ ខែឧសភា ឆ្នាំ២០២១ បន្ទាប់ពីតេស្ដរកឃើញឆ្លងជំងឺកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែដោយសារពេលទៅដល់កន្លែងសម្រាកព្យាបាល គឺស្ថានភាពសុខភាពជំងឺរបស់លោកយាយ ណយ សំណាង បានធ្វើទុក្ខខ្លាំងនោះក៏ត្រូវបានបញ្ជូនបន្តមកសម្រាកព្យាបាលនៅមន្ទីពេទ្យរុស្ស៊ីវិញជាមួយនឹងតារាតារាចម្រៀង វណ្ណា ស័ក្ដិ។ ខណៈមានអ្នកគាំទ្រជាច្រើនចង់ដឹងពីស្ថានភាពជំងឺលោកយាយផងដែរ។ ដើម្បីឲ្យមហាជនបានដឹងនិងឆ្លើយតបចំពោះការព្រួយបារម្ភនេះ តារាចម្រៀង វណ្ណា ស័ក្ដិ បានបញ្ជាក់ថា បន្ទាប់ពីបានមកសម្រាកព្យាបាលនៅមន្ទីរពេទ្យរុស្ស៊ីប៉ុន្មានថ្ងៃមកនេះ ម្តាយរបស់លោកគឺ លោកយាយ ណយ សំណាង សុខភាពបានធូរស្រាលជាងមុនខ្លះហើយ។

ស្ថិតនៅចំពោះមុខលោកយាយ ណយ សំណាង ដែលកំពុងសម្រាកព្យាបាលលើគ្រែលោក វណ្ណា ស័ក្តិ និយាយទៀតថា អ្នកម៉ែលោកអត់អីទេគាត់នឹងជាឆាប់ៗដោយសារតែបានបងប្អូនជូនពរគាត់ ហើយគាត់នឹងបានធូរខ្លះហើយ។ លោក វណ្ណា ស័ក្ត ក៏បានបញ្ជាក់បន្ថែមពីស្ថានភាពសុខភាពលោកយាយ ណយ សំណាង ដែរថា«ម៉ាក់គាត់បានរាងធូរជាងមុនបន្តិចហើយ ដោយសារតែគាត់បាត់ស្លេសហើយគាត់ហូបអីបានបន្តិចបន្តូចតែអត់បានច្រើនទេ គាត់បានហូបទឹកតិចៗ»៕