ជីវិតកម្សាន្ដ

ពិតទេ ម្ចាស់ផលិតកម្មមួយធ្លាក់ខ្លួនរកស៊ីដឹកឥវ៉ាន់ឲ្យគេ

បានផុស

៤ years មុន

នៅ

ថ្ងៃព្រហស្បតិ៍ ២០ ឧសភា ២០២១

ដោយ

អ្នកគាំទ្រនិងមហាជនជាច្រើនបានបង្ហាញការភ្ញាក់ផ្អើលគ្រប់គ្នាបន្ទាប់មានដំណឹងថា អតីតម្ចាស់ផលិតកម្មKH លោក តាំង គីមហេង ក្រោយពេលឃ្លាតឆ្ងាយពីសិល្ប:មួយរយៈ ពេលនេះក៏ស្រាប់តែធ្លាក់ខ្លួនប្រកបរបរដឹកឥវ៉ាន់ឲ្យគេ។

ប្រភពបានបញ្ជាក់ថា សម្រាប់ការប្រកបរបរដឹកឥវ៉ាន់នេះ គឺលោក តាំង គីមហេង ទទួលបានកម្រៃនៃជើងសារម្តងចាប់ពី៤០០០រៀល ឬលើសពីនេះតាមទីកន្លែងជិត ឬឆ្ងាយ។ដំណឹងនេះក៏បានធ្វើឲ្យអ្នកសិល្ប:ជាច្រើនសម្តែងការផ្ញាក់ផ្អើលផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកងាកទៅចាប់អារម្មណ៍នៅលើហ្វេសប៊ុករបស់លោក ក៏បានលើកឡើងថា គាត់ពិតជាទទួលដឹកឥវ៉ាន់ឲ្យគេមែន។ លោករៀបរាប់ថា ដឹកឥវ៉ាន់ឲ្យភ្ញៀវបាន៤កន្លែងដែរថ្ងៃនេះ “បងប្អូនត្រូវការដឹកឥវ៉ាន់យកទៅជូនអតិថិជនក្នុងខណ្ឌទាំង១៤ នៃក្រុងភ្នំពេញ ខ្ញុំដឹកយកសេវាតែ៤ពាន់រៀលទេសូមមេត្តាជួយចែកការងារខ្ញុំធ្វើផង”។

តាមរយ:នេះ មានមហាជននិងអ្នកគាំទ្រជាច្រើនបានបង្ហាញការចាប់អារម្មណ៍ និងសម្តែងការហួសចិត្តខ្លាំង ដោយស្ទើរមិនជឿថា អតីតម្ចាស់ផលិតកម្ម K Hរូបនេះ ធ្លាក់ខ្លួនបែបនេះទេ។

កម្ពុជាថ្មីនឹងព្យាយាមទាក់ទង ដើម្បីស្វែងរកការសួរនាំជុំវិញរឿងរ៉ាវនេះបន្ថែមឲ្យបានដឹងច្បាស់ការពិតដលើមហាជន៕

អត្ថបទ ៖ ចាន់រ៉ា