ជីវិតកម្សាន្ដ

ប្រធានសមាគមសិល្បៈទាមទារឲ្យម្ចាស់ផេក Miss Cambodia លុបចោលគំនូរមួយសន្លឹក និងសុំទោសជាសារធារណៈ

បានផុស

៤ years មុន

នៅ

ថ្ងៃសុក្រ ២១ ឧសភា ២០២១

ដោយ

លោក ហេង ឡុង ប្រធានសមាគមមិត្តសិល្បៈស្ម័គ្រចិត្តជួយសង្គមបានបញ្ចេញប្រតិកម្មបង្ហាញការមិនពេញចិត្តដោយទាមទារឲ្យម្ចាស់ផេក Miss Cambodia ធ្វើការលុបចោល និងចេញមុខសំទោសជាសាធារណៈក្រោយបញ្ចេញគំរូឈុតមួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិកម្មរបស់លោក ហេង ឡុង នេះបានធ្វើឡើងក្រោយពេលសង្កេតឃើញនៅលើកហ្វេសប៊ុកផេក Miss Cambodia កាលពីថ្មីៗនេះ បានបង្ហោះរូបភាពដោយបង្ហាញនូវគំនូរនៃការឆ្នៃឈុតសម្លៀកបំពាក់មួយដែលមើលទៅហាក់មិនសមរម្យ និងល្អសម្រាប់សង្គម។

លោក ហេង ឡុង បានលើកឡើងថា គំនូរឈុតតំណាងជាតិនេះ បង្ហាញពីភាពមិនសមរម្យ និងអពមង្គលចំពោះជាតិ។ ខ្វះអ្វីរូបតំណាងជាតិច្រើនណាស់ ហេតុអ្វីមិនយកមកបង្ហាញឲ្យពិភពលោកបានស្គាល់ផង? ”ក្នុងនាមខ្ញុំបាទជាប្រធានសមាគមមិត្តសិល្បៈស្ម័គ្រចិត្តជួយសង្គម សុំឲ្យម្ចាស់ផេកMiss Cambodia ធ្វើការលុបចោលនិងចេញមុខសុំទោសជាសាធារណៈ។

ជាមួយគ្នានេះ គេក៏សង្កេតឃើញមានមហាជនមួយចំនួនបានសម្តែងការមិនពេញចិត្ត និងទទូចឲ្យម្ចាស់ផេកខាងលើ ត្រូវលុបចោលចំពោះគំនូរនៃឈុតមួយនេះផងដែរ៕

អត្ថបទ ៖ ចាន់រ៉ា