ចូលរួមរំលែកទុក្ខ! ម្ដាយលោក ឆន សុវណ្ណរាជ បានទទួលមរណភាពយប់មិញនេះ

តាមប្រភពពីគណនីហ្វេសប៊ុកតារាចម្រៀង ឆន សុវណ្ណរាជ នៅមុននេះបន្តិចបានប្រកាសថា លោកបានបាត់បង់ម្ដាយជាទីស្រឡាញ់កាលពីយប់មិញ ហើយពេលនេះក្រុមគ្រួសាររបស់លោកកំពុងតែរៀបចំពិធីបុណ្យសព។

តារាចម្រៀងជួរមុខលោក ឆន សុវណ្ណរាជ បានសរសេរបង្ហោះថា “ខ្ញុំបាទ និងក្រុមគ្រួសារមានទុក្ខជាទម្ងន់ដោយសារម្តាយជាទីស្រលាញ់របស់ខ្ញុំ បានលាចាកលោកទៅកាន់ទីឋានបរមសុខកាលពីយប់មិញ”។

ជាមួយគ្នានេះលោកក៏បានជូនដំណឹងដល់បងប្អូននិងញាតិមិត្តជិតឆ្ងាយទាំងអស់ថា​ “ដូច្នេះខ្ញុំបាទ និងក្រុមគ្រួសារទាំងមូលបានរៀបចំពិធីបុណ្យសព នៅគេហដ្ឋានយើងខ្ញុំដែលមានអាស័យដ្ឋាននៅផ្ទះលេខ 59E0 ផ្លូវលំលេខ 5 ភូមិទួលសំពៅ សង្កាត់ទួលសង្កែ 1 ខណ្ឌឬស្សីកែវ រាជធានីភ្នំពេញ”៕

អត្ថបទ៖ សន្យា