ជីវិតកម្សាន្ដ

តារាល្បីៗផ្ញើសាររំលែកទុក្ខចំពោះគ្រួសារលោក ឆន សុវណ្ណរាជ

បានផុស

៣ years មុន

នៅ

ថ្ងៃចន្ទ ២៤ ឧសភា ២០២១

ដោយ

ភ្នំពេញ ៖ បន្ទាប់ពីទទួលដំណឹងនៃមរណទុក្ខដ៏ក្រៀមក្រំសម្រាប់តារាចម្រៀងលោក ឆន សុណ្ណរាជនិងក្រុមគ្រួសារ ខណៈដែលម្តាយជាទីស្រលាញ់របស់តារាប្រុសរូបនេះបានទទួលមរណភាពកាលពីម្សិលមិញគឺមានមហាជននិងអ្នកសិល្បៈជាច្រើន បានផ្ញើសារចូលរួមសោកស្តាយនិងរំលែកទុក្ខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះដែរគេក៏សង្កេតឃើញមានតារាប្រុស -ស្រីល្បីៗដូចជា:កំពូលតារាចម្រៀងលោក ព្រាបសុវត្ថិ ដែលជារៀមច្បងនិងជាអតីតរួមទ្រនំតារាហង្សមាស ,អ្នកនាង សុគន្ធ នីសា ,អ្នកនាង ឱក សុគន្ធកញ្ញា ,អ្នកនាង ចាន់ កែវនិមល និងតារាប្រុសស្រីជាច្រើនទៀតផងដែរ។

សូមបញ្ជាក់ថា កាលពីថ្ងៃទី២៣ខែឧសភាឆ្នាំ២០២១ម្សិលមិញនេះ លោក ឆន សុវណ្ណរាជ បានបង្ហោះរូបថតក្នុងពិធីបុណ្យសពម្ដាយអមដោយសារទៀតថា ”ខ្ញុំបាទ និងក្រុមគ្រួសារ មានទុក្ខជាទម្ងន់ ដោយសារម្ដាយជាទីស្រលាញ់របស់ខ្ញុំបានលាចាកលោកទៅកាន់ទីឋានបរមសុខកាលពីយប់មិញ”។

ដូច្នេះខ្ញុំបាទ និងក្រុមគ្រួសារទាំងមូលបានរៀបចំពិធីបុណ្យសពនៅគេហដ្ឋានដែលមានទីតាំងផ្ទះ លេខ 59E0 ផ្លូវលំលេខ 5ភូមិទួលសំពៅសង្កាត់ទួលសង្កែ១ខណ្ឌឫស្សីកែវ រាជធានីភ្នំពេញ។ បើតាមការបញ្ជាក់ម្តាយរបស់តារាចម្រៀងលោក ឆន សុវណ្ណរាជ បានទទួលមរណភាពដោយសារជំងឺ លើសឈាមនិងគាំងបេះដូង៕

ដោយ ៖ ចាន់រ៉ា