ជីវិតកម្សាន្ដ

ដេននី ក្វាន់ ទម្លាយរឿងសណ្ឋាគារមួយនៅកំពង់សោមលួចបង្កប់Camera ក្នុងបន្ទប់ដេក

បានផុស

៤ years មុន

នៅ

ថ្ងៃអង្គារ ២៥ ឧសភា ២០២១

ដោយ

តារាសម្តែងនិយមការស្លៀកពាក់សិចស៊ីកញ្ញា ដេននី ក្វាន់ សុខៗស្រាប់តែទម្លាយនូវរឿងរ៉ាដ៏ភ្ញាក់ផ្អើលមួយបង្កការចាប់អារម្មណ៍ខ្លាំងដល់មហាជន។

ចំពោះរឿងរ៉ាវដែលធ្វើឲ្យគេកាន់តែផ្ទុះការចាប់អារម្មណ៍នោះដោយហេតុថា កាលពីថ្មីៗកន្លងទៅនេះពោលគឺអំឡុងខែ១០ ឆ្នាំ២០២០ កញ្ញា ដេននី ក្វាន់ បានជួបហេតុការណ៍ដ៏ហួសចិត្តមួយ គឺបានចូលសម្រាកនៅសណ្ឋាគារនាទឹកដីក្រុងកំពង់សោមដែលសណ្ធាគារនោះមានលួចបង្កប់Cameraក្នុងបន្ទប់នាងគេងក៏ដូចបន្ទប់ផ្សេងៗទៀតដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការបង្ហោះនៅលើគណនីហ្វេសប៊ុករបស់កញ្ញា ដេននី ក្វាន់បានបញ្ជាក់ថា កញ្ញាគេងនៅសណ្ឋាគារសមុទ្រមាស ( Gold Sea Hotel) នៅក្រុងកំពង់សោមម្ចាស់Hotelលួចបង្កប់Cameraក្នុងបន្ទប់កញ្ញាគេង។ បញ្ជាក់មិនមែនតែបន្ទប់នាងទេ គឺគ្រប់បន្ទប់ទាំងអស់ក្នុងHotel នោះ។

តារាស្រីកញ្ញា ដេននី ក្វាន់ បន្តទៀតថា រឿងក្តីនាងកើតឡើងតាំងពីខែ១០ ឆ្នាំ២០២០ នាងមិនឡាយព្រោះរង់ចាំដំណោះស្រាយល្អជាមួយម្ចាស់Hotel តែលទ្ធផលចេញមកវាអយុត្តិធម៌សម្រាប់រូបនាងណាស់ សំណងលុយ១ម៉ឺនដុល្លារ នេះដូចជាមើលងាយកិត្តិយសនាងជាស្រី្តខ្មែរពេកហើយ។ នាងឈឺចាប់ខ្លាំងណាស់ នាងទទួលយកមិនបានទេអយុត្តិធម៌ណាស់។

ជុំវិញរឿងរ៉ាវដ៏រសើបនេះ កម្ពុជាថ្មីនៅព្រឹកថ្ងៃទី២៥ ខែឧសភា ឆ្នាំ២០២១នេះ មិនអាចស្វែងរកការបកស្រាយបន្ថែមពីកញ្ញា ដេននី ក្វាន់ បាននៅឡើយទេ។ ចំណែកភាគីម្ចាស់សណ្ឋាគារខាងលើក៏មិនទាន់មានការបំភ្លឺយ៉ាងណាដែរចំពោះករណីនេះ៕

អត្ថបទ ៖ ចាន់រ៉ា