ជីវិតកម្សាន្ដ

វណ្ណា ស័ក្តិ ៖ សេចក្តីសុខខ្ញុំគឺមានអ្នកម៉ែនៅក្បែរ

បានផុស

៤ years មុន

នៅ

ថ្ងៃសុក្រ ២៨ ឧសភា ២០២១

ដោយ

តារាចម្រៀងលោក វណ្ណា ស័ក្តិ ទោះបីខ្លួនបានជាសះស្បើយពីជំងឺកូវីដ-១៩ ហើយពិតមែនតែលោកនូវបង្ហាញក្តីបារម្ភមួយទៀត គឺស្ថានភាពជំងឺអ្នកម្តាយជាទីស្រលាញ់ (លោកយាយ ណយ សំណាង) ដែលកំពុងព្យាបាលនៅមន្ទីរពេទ្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញបើតាមការបញ្ជាក់របស់លោក វណ្ណា ស័ក្តិ ធ្លាប់បានឲ្យដឹងថា ស្ថិតក្នុងស្ថានភាពនេះលោកពិតជាត្រេកអរណាស់ ដែលខ្លួនបានជាសះស្បើយពីជំងឺដ៏កាចសាហាវនេះ។ ប៉ុន្តែរឿងដែលបារម្ភគឺ អ្នកម្តាយមិនទាន់អាចវិលទៅរកភាពដើម ដែលត្រូវបានអនុញ្ញាតឲ្យចេញទៅផ្ទះវិញទេ ហេតុនេះទើបលោកសុំគ្រូពេទ្យ ដើម្បីបានបន្តស្នាក់នៅមើលថែម្តាយសិន។

ដោយឡែកបន្ទាប់ពីមានការលើកឡើងខាងលើនេះលោក វណ្ណា ស័ក្តិ បានរៀបរាប់ម្សិលមិញថា សូមម៉ាក់ជាសះស្បើយឆាប់ណាកូនចង់ទៅផ្ទះវិញ អង្គុយជួយធ្វើម្ហូបម៉ាក់ទៀត ហើយកូនចង់ញាំម្ហូបស្នាដៃម៉ាក់ចម្អិនផ្ទាល់ដៃ ព្រោះខានញាំម្ហូបស្នាដៃម៉ាក់យូរហើយ។

បន្ថែមពីលើនេះ តារាចម្រៀងប្រុសលោក វណ្ណា ស័ក្តិ ក៏បានលើកឡើងដែរថា”សម្រាប់សេចក្តីសុខខ្ញុំ គឺមានអ្នកម៉ែនៅក្បែរ”។ តាមរយៈនេះមានអ្នកគាំទ្រនិងមហាជនជាច្រើនបានជូនពរលោកយាយ ណយ សំណាង ឆាប់ជាជំងឺកូវីដ-១៩នឹងវិលត្រឡប់មកផ្ទះវិញឆាប់ៗផងដែរ៕

អត្ថបទ៖ ចាន់រ៉ា

សូមចុចអាន៖ ខំរក្សាទុកជិត២០ឆ្នាំ ! វី ជីវ័ន្ត សម្រេចចិត្តកាត់សក់សំពោងចោលព្រោះតែហេតុផលនេះ