ជីវិតកម្សាន្ដ

សូម្បីបំណងចុងក្រោយសម្រាប់កូនទាំង៣ៗក៏ ស៊ិន ឧត្តមផល្លា មិនបាននៅឃើញដែរ

បានផុស

៤ years មុន

នៅ

ថ្ងៃសៅរ៍ ២៩ ឧសភា ២០២១

ដោយ

ដំណឹងមរណភាពរបស់តារាចម្រៀងអ្នកនាង ស៊ិន ឧត្តមផល្លា បានធ្វើឲ្យមហាជននិងអ្នកគាំទ្រជាច្រើន បានបង្ហាញអារម្មណ៍រន្ធត់ខ្លាំង។ មិនតែប៉ុណ្ណោះក៏មានអ្នកសិល្បៈមួយចំនួនធំបានសម្តែងការសោកសៅផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ អ្វីដែលគេកាន់តែស្រណោះនិងក្ដុកក្ដួលទៀតនោះ គឺមុនពេលស្លាប់តារាស្រីអ្នកនាង ស៊ិន ឧត្តមផល្លា ក៏បានបង្ហាញនូវបំណងចុងក្រោយសម្រាប់កូនៗទាំង៣ តែបំណងនេះ មិនត្រូវបានបំពេញឡើង ដោយសារមច្ចុរាជបានផ្តាច់យកជីវិតនាងទាំងអាល័យបំផុត។

គេនៅចាំបានថា អំឡុងពេលទើបធ្លាក់ខ្លួនឈឺជំងឺមហារីកដំណាក់កាលចុងក្រោយនោះ អ្នកនាង ស៊ិន ឧត្តមផល្លា បានពោលពាក្យចុងក្រោយថា”ក្នុងចិត្តខ្ញុំគ្រាន់តែចង់ឃើញកូនៗខ្ញុំ មានប្តីមានប្រពន្ធរួចហើយចាំយកខ្ញុំទៅពេលណាក៏បានដែរ”។ ត្រង់សម្តីនេះហើយទើបធ្វើឲ្យមហាជនកាន់តែស្រណោះខ្លាំង។ អ្នកនាង ស៊ិន ឧត្តមផល្លា ត្រូវបានទស្សនិកជនស្គាល់ថា នាងមិនត្រឹមតែច្រៀងភាសាខ្មែរបានយ៉ាងពីរោះនោះទេ គឺតារាស្រីរូបនេះ ថែមទាំងច្រៀងចម្រៀងជាភាសាចិនបានយ៉ាងល្អទៀតផង។ ក្រៅពីអាជីសិល្បៈនាងក៏ជាអាជីវករលក់ស្បង់ចីវរផងដែរ។

អ្នកនាង ស៊ិន ឧត្តមផល្លា បានទទួលមរណភាពនៅវេលាម៉ោង០៧និង៣០នាទីព្រឹក កាលពីថ្ងៃទី២៨ ខែឧសភា ឆ្នាំ២០២១នេះ ដោយសារជំងឺមហារីកកូនកណ្តុរ ដែលមិនអាចព្យាបាលជួយសង្គ្រោះជីវិតបានឡើយ៕

អត្ថបទ៖ ចាន់រ៉ា

សូមចុចអាន៖ ការងារសិល្បៈ និង ភាពយន្តដែល ស៊ិន ឧត្តមផល្លា សម្តែងចុងក្រោយមុនពេលស្លាប់គឺរឿង រាជនីភូមិគ្រិះ