ឌួង ហ្សូរីដា ទម្លាយបទពិសោធន៍ធ្លាប់ជានារីបម្រើលើយន្តហោះនិងរងការមើលងាយ

ពិធីការិនី ឌួង ហ្សូរីដា កន្លងមកត្រូវបានទស្សនិកជនស្គាល់នាងតែតាមរយ:ការងារសិស្ប:ប៉ុណ្ណោះ។ ដោយឡែកសម្រាប់ការងារដំបូងមុនពេលបង្ហាញខ្លួនលើវិស័យសិល្ប: ពុំធ្លាប់មាននរណាដឹងពីប្រវត្តិនាងឡើយ។

យ៉ាងណាមិញ ទើបតែពេលនេះអាថ៌កំបាំងរបស់នាងនាអតីតកាលធ្លាប់ជានារីបម្រើការងារនៅអាកាស (លើយន្តហោះ) ត្រូវបានកញ្ញា ឌួង ហ្សូរីដា ទម្លាយឲ្យមហាជនបានដឹងគ្រប់គ្នា។ ទន្ទឹមគ្នានេះនាងក៏បានបញ្ជាក់ថា ខ្លួនកាលនោះរងការមើលងាយពីសំណាក់បុគ្គលមួយចំនួននៅជុំវិញខ្លួនផងដែរ។

កញ្ញា ឌួង ហ្សូរីដា បានរៀបរាប់ប្រវត្តិ៨ឆ្នាំមុនរបស់ខ្លួនថា ជាក្តីសុបិន្តទី២នៃអាជីពការងារដែលនាងប៉ងប្រាថ្នាតាំងពីតូច ក្តីសុបិន្តបានសម្រេចដោយសមត្ថភាព សុខភាពល្អ ការខិតខំប្រឹងតស៊ូ ជម្នះរាល់គ្រប់ឧបសគ្គ។ នាងបន្តថា មានអ្នកខ្លះនិយាយថា មានអីអស្ចារ្យជាអ្នកបម្រើលើយន្តហោះ (បាហុនិកា) ដូចតែអ្នកបម្រើ អ្នករត់តុធម្មតាដែរហ្នឹង។

ឌួង ហ្សូរីដា និយាយទៀតថា មិនសូវខុសគ្នាទេ តែទម្រាំបានធ្វើការបម្រើភ្ញៀវប៉ុណ្ណឹង ពួកយើងត្រូវការរៀនសូត្រទន្ទេញមេរៀនត្រូវស្គាល់គ្រប់ឧបករណ៍ ត្រូវចេះវិធីសង្រ្គោះបឋម ត្រូវចេះវិធីជម្លៀស និងការងារលំបាកជាច្រើនទៀត សំខាន់សុខភាពពីចុងសក់ដល់ចុងជើងត្រូវតែល្អ១០០ភាគរយ។ ជាអ្នកបម្រើមែន តែអ្នកបម្រើកាលីបលើ ព្រោះយើងបម្រើភ្ញៀវតែលើយន្តហោះទេ។

នាងបន្តថា “ចាំបានថាខ្ញុំត្រូវយំជាច្រើនដងស្ទើរទ្រាំមិនបាន ចង់ឈប់នឹងការងារនេះ តែសួរថាតើមាននារីប៉ុន្មាននាក់ទៀតដែលចង់គេមានឱកាសបានប្រឡងជាប់ដូចយើងអត់ ខ្ញុំតែងតែមានមោទកភាពនូវអ្វីដែលខ្ញុំមានភាពលំបាកនៃការងារធ្វើឱ្យខ្ញុំក្លាយជាមនុស្សស្រីម្នាក់ដែលរឹងមាំរហូតដលពេលនេះ”៕

អត្ថបទ៖ ចាន់រ៉ា

ចុចអាន៖ បាត់ដំណឹងយូរឆ្នាំ​ស្មានទៅរស់នៅស្រុកគេហើយ តាមពិតអតីតម្ចាស់ជយលាភីលេខ១ក្នុងឆ្នាំ៩០ប្លាយ ធ្លាក់ខ្លួនបែបនេះ

ចុចអាន៖ តារាសម្ដែង វ៉ាន់ លីលី ត្រូវគេទម្លាយរឿងជំពាក់លុយ និងប្រកាសទុកពេលឲ្យ៣ថ្ងៃ