ជីវិតកម្សាន្ដ

យឿន ពិសី ទម្លាយរឿងឈឺចាប់ជិត៦ឆ្នាំ ក្រោយក្លាយជាម្ចាស់ពានCambodia’s Got Talent

បានផុស

៤ years មុន

នៅ

ថ្ងៃអាទិត្យ ៦ មិថុនា ២០២១

ដោយ

តារាចម្រៀង និងម្ចាស់ពានCambodia’s Got Talent លោក យឿន ពិសី បានបង្ហាញការឈឺចាប់ដោយរៀបរាប់ទាំងទឹកភ្នែកបង្កការចាប់អារម្មណ៍ដល់អ្នកគាំទ្រ និងប្រើប្រាស់បណ្តាញសង្គមហ្វេសប៊ុក។

បើស្តាប់តាមការរៀបរាប់របស់លោក យឿន ពិសី ចំពោះរឿងរ៉ាវដែលនាំឲ្យរូបគេឈឺចាប់ និងទ្រាំមក៦ឆ្នាំមកហើយនោះ គឺគ្មានបណ្តាម្ចាស់កម្មវិធីប្រគំតន្ត្រី ឬក្រុមហ៊ុនណាមួយដែលយកចិត្តទុកដាក់ហៅលោកឡើងច្រៀងនោះទេ ពោលគឺផ្ទុយពីតារាផ្សេងៗទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក យឿន ពិសី បានលើកឡើងថា លោកជាប់លេខ១ដែរ តែហេតុអ្វីទុកលោកចោល ខុសពីតារាផ្សេងៗ ទោះជាស្ថិតក្នុងអំឡុងកូវីដក៏ដោយក៏នៅតែមានកម្មវិធីខ្លះៗដែរ។ អញ្ចឹងហើយបានជាលោកស្តាយក្រោយបំផុត ដែលជាប់លេខ១ បើមិនជាប់ជាការល្អទៅវិញ ព្រោះជាប់ក៏គេមិនហៅឡើងឆាកប្រគំតន្ត្រីដដែល។

យឿន ពិសី និយាយទៀតថា បើសិនមានពេលវេលាបកក្រោយ លោកសុំមិនជាប់ជាម្ចាស់ពានល្អជាង ហើយជាប់ធ្វើអ្វី បើ១ឆ្នាំមិនទាន់បានឡើងច្រៀងលើកម្មវិធីមួយឆាកផង។ លោកថា តើខ្លួនរំពឹងអ្វី បើបែបហ្នឹង ឬមកពីលោកពិការដែលបណ្តាកម្មវិធីមួយចំនួនគេមិនត្រូវការ។

លោកបន្ថែមថា ចាប់តាំងពីចូលវិស័យសិល្ប: និងក្លាយជាម្ចាស់ពាន៦ឆ្នាំមកនេះ លោកមិនដែលដាក់តម្លៃខ្លួន ឬកំណត់ថា ឡើង១កម្មវិធីត្រូវស៊ីថ្លៃខ្ទង់រាប់ពាន់ ឬរយដុល្លារទេ ខណ:រាល់ថ្ងៃដេកឱបជាម្ចាស់ពានមែន តែគ្មានតម្លៃឡើយ ពោលគឺផ្ទុយពីអ្នកសិល្ប:ដទៃទៀតដែលគេមានទីផ្សាច្រៀង៕

អត្ថបទ ៖ ចាន់រ៉ា