ជីវិតកម្សាន្ដ

គ្រួសារលោកជំទាវ ហ៊ុន ស៊ីណាត ជួយសម្រេចបំណងចុងក្រោយមួយទៀតដល់ព្រឹទ្ធាចារ្យចាប៉ីដងវែង គង់ ណៃ

បានផុស

៤ years មុន

នៅ

ថ្ងៃអាទិត្យ ៦ មិថុនា ២០២១

ដោយ

ទីបំផុតបំណងចុងក្រោយរបស់ព្រឹទ្ធាចារ្យចាប៉ីដងវែងលោកតា គង់ ណៃ ត្រូវបានលោកជំទាវ ហ៊ុន ស៊ីណាត និងបុត្រី គឺលោកជំទាវឧកញ៉ា នឹម វណ្ណៈ បានបំពេញជូនគាត់ដោយបានឧបត្ថម្ភថវិកាចំនួន២ម៉ឺនដុល្លារ ដើម្បីសង់ចេតិយ និងជួយចិញ្ចឹមរយៈពេល៥ឆ្នាំ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឱកាសចុះសួរសុខទុក្ខដោយផ្ទាល់ដល់ស្រុកកំណើតលោកតា គង់ ណៃ ស្ថិតនៅស្រុកកំពង់ត្រាចខេត្តកំពតកាលពីថ្ងៃទី៥ ខែមិថុនា ឆ្នាំ២០២១ លោកជំទាវ ហ៊ុន ស៊ីណាត បានបញ្ជាក់ថា មូលហេតុដែលកសាងចេតិយជូនលោកតា គង់ ណៃ ដោយសារតែការកន្លងមក កូនស្រីរបស់លោកជំទាវ គឺលោកជំទាវឧកញ៉ា នឹម វណ្ណៈ បានសួរថា តើរាល់ថ្ងៃនេះមានខ្វះខាតអ្វីអត់ លោកតា លោកចង់សំណូមពរអី្វអត់ ខ្ញុំនិងគ្រួសារជួយលោកតា?។

ភ្លាមៗនោះលោកតា គង់ ណៃ ក៏បានមានប្រសាសន៍តបវិញថា រាល់ថ្ងៃនេះ គឺលោកតាមានផ្ទះ និងថវិការតិចតូចអាចចិញ្ចឹមជីវិតហើយ តែអ្វីដែលសំខាន់ គឺលោកតាខ្លាចថា មុននឹងពេលគាត់ស្លាប់ទៅគាត់គ្មានចេតិយដាក់ធាតុគាត់ ដូចនេះហើយក៏លោកតា សុំឲ្យលោកជំទាវនិងគ្រួសារជួយសងចេតិយតូចមួយដល់គាត់ផង គឺគាត់ស្លាប់បិទភ្នែកជិតហើយ ។

លោកជំទាវបន្តថា ដោយមានការទទូចបែបនេះ ទើបលោកជំទាវ និងកូនព្រមទាំងក្រុមគ្រួសារសម្រេចកសាងចេតិយជូនតាមបំណងរបស់គាត់។ លោកជំទាវ ហ៊ុន ស៊ីណាត មានប្រសាសន៍ទៀតថា លោកតា គង់ ណៃ គាត់ជួយសង្គមនិងលើកស្ទួយសិល្បៈអភិរក្ស វប្បធម៌ លើសលប់ទើបលោកជំទាវនិងក្រុមគ្រួសារសម្រេចកសាងចេតិយតម្លៃជិត២ម៉ឺនឲ្យសំតម្លៃនិងកេរ្តិ៍ឈ្មោះកិត្តិយសរបស់គាត់។

ក្រៅពីនោះដែរលោកជំទាវ និងក្រុមគ្រួសារក៏បានជួយចិញ្ចឹមគាត់រយៈពេល៥ឆ្នាំទៀត ដោយឧបត្ថម្ភជារៀងរាល់ខែ ដោយក្នុងមួយខែៗ គឺថវិការចំនួន៥០ម៉ឺនរៀល,មី១កេះ ,ត្រីខ១យួ ,ទឹកស៊ីវ១យួ និងអង្ករចំនួន៥០គីឡូក្រាម ផងដែរ៕

អត្ថបទ ៖ ចាន់រ៉ា