ជីវិតកម្សាន្ដ

ទីបំផុត អ៊ីណូ សងបំណុលតាមការកំណត់

បានផុស

៤ years មុន

នៅ

ថ្ងៃចន្ទ ៧ មិថុនា ២០២១

ដោយ

ភ្នំពេញ ៖ ដូចដែលការសន្យាតារាចម្រៀងលោក អ៊ីណូ នៅថ្ងៃទី០៧ខែមិថុនាឆ្នាំ២០២១នេះបានធ្វើ ការទូទាត់ប្រាក់សងដល់ម្ចាស់បំណុលក្រោយលោកជំពាក់ច្រើនខែហើយត្រូវបានគេតាមទារលុយផ្អើលដល់មុខឃ្លាំងលក់រថយន្តម្តុំអ៊ីអន២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការបញ្ជាក់ពីតារាចម្រៀង អ៊ីណូ បានឲ្យដឹងថា សាច់ប្រាក់ចំនួន១១៣៥០ដុល្លារត្រូវបានទូរទាត់ដល់ម្ចាស់បំណុលដែលធ្លាប់រកស៊ីជាមួយគ្នាហើយនៅព្រឹកថ្ងៃទី០៧ ខែមិថុនា ឆ្នាំ២០២១នេះ។ភាគីទាំងសងខាងបានជួបគ្នានិងទូទាត់ប្រាក់ដែលបានខ្ចីនោះគ្រប់ចំនួននៅចំពោះមុខមេធាវី។

អំឡុងពេលនេះដែរ លោក អ៊ីណូ ក៏បានសំណូមពរឲ្យម្ចាស់បំណុលលុបវីដេអូដែលធ្វើការឡាយកាល ពីថ្ងៃទី០៦ ខែមិថុនា ឆ្នាំ២០២១ ចោលវិញផងដែរ។ លោកថា ការស្នើឲ្យលុបចោលនេះដោយលោកចង់បង្រួមរឿងឲ្យនៅតូចកុំឲ្យមហាជនមានការតានតឹងអំឡុងពេលកូវីដ-១៩។

គួររម្លឹកថា កាលពីល្ងាចថ្ងៃទី០៦ខែមិថុនាឆ្នាំ២០២១ មានការប្រកែកគ្នាទៅវិញទៅមកៗរវាងតារាចម្រៀងប្រុសល្បីឈ្មោះគឺលោក អ៊ីណូ និងម្ចាស់បំណុលធ្វើ ឲ្យមានការភ្ញាក់ផ្អើលដល់មហាជននិងអ្នកគាំទ្រពិសេសអ្នកធ្វើដំណើរតាមផ្លូវបន្ទាប់ពីគេឃើញមានអ្នកសារព័ត៌មាននិងម្ចាស់បំណុលបានមកទារលុយតារាចម្រៀងលោក អ៊ីណូ ដល់ខាងមុខឃ្លាំងលក់រថយន្តម្តុំផ្លូវទៅផ្សាអ៊ីអន២៕

ដោយ ៖ ចាន់រ៉ា