ជីវិតកម្សាន្ដ

ជិតដល់ខួប១០០ថ្ងៃម្ដាយ បងស្រី វី ឌីណែត រម្លឹករឿងមុនពេលម្តាយស្លាប់

បានផុស

៤ years មុន

នៅ

ថ្ងៃអង្គារ ៨ មិថុនា ២០២១

ដោយ

កៀកជិតដល់ឱកាសនៃខួបគម្រប់១០០ថ្ងៃដែលម្តាយស្លាប់ បងស្រីតារាចម្រៀង វី ឌីណែត គឺអ្នកនាង វី លីដា បានរម្លឹកអនុស្សាវរីយ៍យ៉ាងកម្សត់អំឡុងមុនពេលអ្នកម្តាយរបស់ខ្លួនស្លាប់ទាំងអាល័យបំផុត។

បង្ហោះភ្ជាប់ជាមួយខ្លឹមសារនិងរូបភាពដ៏កម្សត់នេះដែរបងស្រី វី ឌីណែត ក៏បានបញ្ជាក់ថា មុនពេលស្លាប់ ម្តាយរបស់គាត់ គឺមានសភាពរឹងមាំជាធម្មតា តែមិននឹកស្មានប៉ុន្មានថ្ងៃក្រោយមកក៏ចែកឋានទៅចោលកូនចៅដោយមិនបានលាគ្នាមួយម៉ាត់សោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាងរៀបរាប់ថា «អ្នកម្តាយកូនអើយសភាពម៉ាក់ប្តូរពីពេទ្យរបេងទៅពេទ្យរុស្ស៊ី ម៉ាក់នៅរឹងមាំ អាចដើរខ្លួនឯងបានទៀត តែ២ថ្ងៃក្រោយម៉ាក់ក៏ចោលប្តី កូនចៅ បងប្អូន ក្មួយៗដោយមិនលាមួយម៉ាត់នៅសល់តែប៉ុន្មានថ្ងៃទៀតគម្រប់១០០ថ្ងៃដែលម៉ាក់ចាកចេញទៅហើយ ។

អ្នកនាង វី លីដា បន្តថា ស្ថានភាពកូវីដមិនស្រាកស្រាន្តសោះ តាំងពីពេលម៉ាក់ចាកចេញទៅកូនៗមិនដែលឃើញប៉ាញញឹមម្តងណាឡើយ ក្តីសុខក្នុងគ្រួសារមួយនេះត្រូវកាត់បន្ថយស្ទើរតែទាំងស្រុង ពួកយើងគ្រប់គ្នានឹកម៉ាក់ណាស់។

គួររម្លឹកដែរថា តារាចម្រៀងទ្រនំហង្សមាសកញ្ញា វី ឌីណែត និងក្រុមគ្រួសារបានជួបទុក្ខជាទម្ងន់ដោយសារអ្នកម្ដាយជាទីស្រឡាញ់បានទទួលមរណភាពកាលពីថ្ងៃទី១៩ ខែមីនា ឆ្នាំ២០២១ ក្នុងជន្មាយុ៦២ឆ្នាំ ដោយសារជំងឺកូវីដ-១៩៕

អត្ថបទ ៖ ចាន់រ៉ា