ជីវិតកម្សាន្ដ

តារាសម្តែង ពេជ្រ ចរណៃ បំផុសយុវជនខ្មែរគាំទ្រ និងលើកស្ទួយវិស័យគុនល្បុក្កតោ

បានផុស

៤ years មុន

នៅ

ថ្ងៃពុធ ៩ មិថុនា ២០២១

ដោយ

តារាសម្តែងនិងជាគ្រូបង្ហាត់គុនល្បុក្កតោកញ្ញា ពេជ្រ ចរណៃ ជារឿយៗក្រៅតែពីការលេចមុខនៅលើវិស័យភាពយន្តខ្មែរ នាងក៏ជាតារាស្រីមួយរូបដែលចូលរួមយ៉ាងសកម្មក្នុងការលើកស្ទួយវិស័យគុនល្បុក្កតោផងដែរ។

ជាការពិតកន្លងមក ពេជ្រ ចរណៃ តែងបង្ហាញ ឬចូលរួមបង្ហាត់ដល់យុវជនខ្មែរដែលស្រលាញ់និងគាំ ទ្រវិស័យក្បាច់គុនល្បុក្កតោរបស់ខ្មែរ។ លើសពីនេះកញ្ញា ពេជ្រ ចរណៃ ក៏បានធ្វើការអំពាវនាវឲ្យមហាជនបន្តការលើកស្ទួយនិងគាំទ្រដល់វិស័យមួយនេះផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាស្រីកញ្ញា ពេជ្រ ចរណៃ បានថ្លែងបញ្ជាក់ប្រាប់កម្ពុជាថ្មីថា ទោះបីពេលនេះកំពុងជួបបញ្ហាវិបត្តិកូវីដក្តី តែសម្រាប់បងប្អូនដែលនៅផ្ទះ ឬនៅតាមខេត្តដែលមិនទាន់មានសាលាគុន ក៏អាចហាត់គុនបានដែរ គឺតាមរយ:វីដេអូរបស់នាងផ្ទាល់។

កញ្ញា ពេជ្រ ចរណៃ បាននិយាយទៀតថា “នាងនឹងធ្វើវីដេអូចែករំលែកមេរៀនខ្លះៗរបស់គុនល្បុក្កតោ ដែលបានហាត់កន្លងមក ផុសក្នុងឆានែល យូធូបនាងផ្ទាល់”។ នាងថា ចំពោះបងប្អូនដែលចង់ហាត់រៀនដោយផ្ទាល់ ត្រូវរងចាំស្ងប់ស្ងាត់កូវីដសិន គឺអាចមកហាត់គុនល្បុក្កតោជាមួយគ្នាបាន។

សូមជម្រាបថា គុនល្បុក្កតោ គឺជាក្បាច់គុនដ៏ចំណាស់មួយរបស់ខ្មែរ ដែលត្រូវបានបង្កើតឡើងដោយជនជាតិខ្មែរ នៅលើទឹកដីខ្មែរ តាំងពីមុនការមកដល់នៃអរិយធម៌ឥណ្ឌាកាលពីជាង២ពាន់ឆ្នាំកន្លងមកហើយ។ «ល្បុក្កតោ»គឺជាបន្សំនៃពាក្យ«ល្បុក្ក»បូកនឹង«តោ»មានន័យថា សត្វតោមហាកម្លាំងឬមហាថាមពល៕

អត្ថបទ ៖ ចាន់រ៉ា