ជីវិតកម្សាន្ដ

កែវ ចាន់និមល ដឹកដៃស្វាមីនិងកូនហោះទៅអាមេរិកក្រោយជាសះស្បើយពីកូវីដ

បានផុស

៣ years មុន

នៅ

ថ្ងៃសុក្រ ១១ មិថុនា ២០២១

ដោយ

ពិធីការិនីសម្តីផ្អែមអ្នកនាង កែវ ចាន់និមល និងស្វាមីព្រមទាំងកូនស្រីរបស់នាង កាលពីម្សិលមិញគេឃើញគ្រួសារមួយនេះបានអូសវ៉ាលីឡើងយន្តហោះចាកចេញពីខ្មែរ ទៅទឹកដីប្រទេសសម្បូរដុល្លារសហរដ្ឋអាមេរិក។

ការចាកចេញរបស់គ្រួសារពិធីការិនីអ្នកនាង កែវ ចាន់និមល នេះ គឺបន្ទាប់ពីនាងបានជាសះស្បើយជំងឺកូវីដ ប្រមាណជាងពីរខែកន្លងមកនេះ ជាមួយការថែទាំ និងតាមដានសុខភាពជាប្រចាំ។ ចំពោះគោលបំណង និងពេលវេលាកំណត់នៃការចាកចេញរបស់នាង និងស្វាមីមិនត្រូវបានបញ្ជាក់នោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកបើចាប់អារម្មណ៍នៅលើហ្វេសប៊ុករបស់អ្នកនាង ប៉ែន ស្រីពេជ្រ ដែលជាមិត្តភ័ក្ដិរួមអាជីពសិល្ប:ក៏បានបង្ហោះរូបភាពអបអរជាមួយការជូនដំណើរថា សូមជូនពរបងទាំងពីរព្រមទាំងក្រុមគ្រួសារ ធ្វើដំណើរដោយសុវត្តិភាព ទៅដល់ទឹកដីអាមេរិកសុខសប្បាយ។

សូមជម្រាបថា ពិធីការិនីអ្នកនាង កែវ ចាន់និមល និងក្រុមគ្រួសារបានសម្រេចធ្វើដំណើរចាកចេញពីកម្ពុជា ឆ្ពោះទៅទឹកដីអាមេរិកកាលពីថ្ងៃទី១០ ខែមិថុនា ឆ្នាំ២០២១ ខណ:ដំណើរចាកចេញមិនត្រូវបាននាងបង្ហើបពីគោលបំណងឡើយ៕

អត្ថបទ ៖ ចាន់រ៉ា