ជីវិតកម្សាន្ដ

មិនធម្មតា នាយ ពែកមី ដាក់សុទ្ធតែមាស ក្រោមសសរគ្រឹះ ពេលសង់ផ្ទះជូនម្តាយក្មេក

បានផុស

៤ years មុន

នៅ

ថ្ងៃចន្ទ ១៤ មិថុនា ២០២១

ដោយ

តារាកំប្លែងមានដើមកំណើតពីទឹកដីខេត្តស្វាយរៀង នាយ ពែកមី ថ្មីៗនេះបានប្រកាសចំណាយលុយខ្ទង់រាប់ម៉ឺនដុល្លារសាងសង់ផ្ទះថ្មីជូនដល់អ្នកម្តាយ និងឪពុកក្មេក យ៉ាងស្រស់ស្អាត។

ដោយឡែកនៅក្នុងពិធីបុកគ្រឹះសរសរផ្ទះថ្មីនេះដែរ គេឃើញនាយ ពែកមី និងក្រុមគ្រួសារបានរៀបចំសែនព្រេនទៅតាមប្រពៃណី និងជំនឿរ មិនត្រឹមតែប៉ុណ្ណោះនាយក៏បានដាក់បញ្ចុះរបស់មានតម្លៃ(មាស) ចូលទៅក្នុងរណ្តៅសរសរផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាកំប្លែងនាយ ពែកមី បានប្រាប់ឲ្យដឹងថា ជាការពិតហើយ ការដាក់មាសនិងកម្ទេចមាសក្នុងរណ្តៅគ្រឹះសរសរផ្ទះនេះ គឺធ្វើតាមជំនឿពីដូនតា។ លោកថា “មិនដឹងម៉ែក្មេក ឪក្មេកគាត់មានអារម្មណ៍បែបណាទេពេលនេះ ពីព្រោះផ្ទះគាត់ចាប់ផ្តើមចាក់គ្រឹះហើយ”។

ផ្ទះគំរូដ៏ស្រស់ស្អាតដែលនាយ ពែកមី សាងសង់ជូនអ្នកម្តាយនិងឪពុកក្មេកនេះ បានធ្វើឡើងនៅលើទឹកដីអ្នកលឿង ស្ថិតក្នុងខេត្តព្រៃវែង។ នេះបើតាមការបញ្ជាក់ឲ្យដឹងពីតារាកំប្លែងនាយ ពែកមី ខណ: ការរំពឹងនឹងធ្វើឲ្យអ្នកមានគុណសប្បាយចិត្តក្រោយរួចរាល់ការសាងសង៕

អត្ថបទ ៖ ចាន់រ៉ា