ជីវិតកម្សាន្ដ

តារាប្រុស ស៊ីណា វ៉ាត់ត្រា ធ្វើឲ្យមហាជនភ្ញាក់ផ្អើលបន្ទាប់ពីស្ងប់ស្ងាត់ពីសិល្បៈមួយរយៈ

បានផុស

៤ years មុន

នៅ

ថ្ងៃព្រហស្បតិ៍ ១៧ មិថុនា ២០២១

ដោយ

តារាសម្តែងប្រុសលោក ស៊ីណា វ៉ាត់ត្រា កន្លងមកត្រូវបានមហាជន និងអ្នកគាំទ្រស្គាល់គ្រប់គ្នាតាមរយ:ការសម្តែងភាពយន្ត និងការថតMVមួយចំនួន។ ប៉ុន្តែក្រោយមកលោកក៏ស្ងប់ស្ងាត់មួយរយ:ក្រោយផ្ទុះជំងឺកូវីដ-១៩។

ការបាត់វត្តមានមួយរយ:នេះ ត្រូវបានទស្សនិកជនយល់ថា តារាប្រុសរូបនេះទំនងលាឈប់ពីសិល្ប: ទៅហើយបន្ទាប់ពីមានដំណឹងថា លោកឈោងចាប់អាជីពថ្មីលើវិស័យអចលនទ្រព្យ តែការពិតត្រូវបានលោកបញ្ជាក់ថា នៅតែបន្តដំណើរលើអាជីពសិល្ប:ដដែល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកថ្មីៗនេះ ក៏ស្រាប់តែមានមហាជនភ្ញាក់ផ្អើល ក្រោយឃើញបែកធ្លាយរូបភាពមួយសន្លឹកនៅលើខ្លួនលោក ស៊ីណា វ៉ាត់ត្រា មានប្រលាក់ឈាមហូរស្រោចពេញក្បាលដោយនឹកស្មាន់តែលោកមានគ្រោះថ្នាក់អ្វី?។ ប៉ុន្តែដោយក្លាចមានការភ័ន្តច្រឡំភ្លាមៗនោះ លោកបានបញ្ជាក់ថា លោកគ្មានគ្រោះថ្នាក់អីទេ ពោលគឺជាការសម្តែងរឿងប៉ុណ្ណោះ។

លោកបានប្រាប់កម្ពុជាថ្មីថ្ងៃទី១៧ ខែមិថុនា នេះថា កាលពីម្សិលមិញលោកបានថតភាពយន្ដដំបូងក្នុងអាជីពសិល្ប:ឲ្យផលិតកម្មក្នុងស្រុកមួយ ខណ:រឿងនេះគេតម្រូវឲ្យលោកដើរតួជាមនុស្សវិកលចរិក ដោយសារបញ្ហាទំនាក់គ្រួសារ(ប្តី-ប្រពន្ធ)ដែលមានប្រភពផិតក្បត់។

តារាប្រុសរូបនេះបន្ថែមថា រឿងនេះគឺផលិតឡើងដើម្បីសំដៅលើការអប់រំសម្រាប់ជីវភាពរស់នៅប្រចាំថ្ងៃ និងរម្លឹកដល់ស្មារតីកូនៗត្រូវមានភាពកតញ្ញូដឹងគុណចំពោះឪពុកម្តាយ និងក្រុមគ្រួសារផងដែរ៕

អត្ថបទ ៖ ចាន់រ៉ា