ជីវិតកម្សាន្ដ

លោក សុះ ម៉ាច ដឹកនាំអ្នកសិល្បៈគោរពវិញ្ញាណក្ខន្ធព្រឹទ្ធាចារ្យទេវនាដ ឯម ធាយ

បានផុស

៣ years មុន

នៅ

ថ្ងៃព្រហស្បតិ៍ ១៧ មិថុនា ២០២១

ដោយ

តារាចម្រៀងនិងអតីតប្រធានសមាគមសិល្បករខ្មែរលោក សុះ ម៉ាច កាលពីម្សិលមិញបានដឹកនាំអ្នកសិល្ប:ចូលរួមពិធីបុណ្យសព និងគោរពវិញ្ញាណក្ខន្ធព្រឹទ្ធាចារ្យទេវនាដ ឯម ធាយ។

លោក សុះ ម៉ាច បានបញ្ជាក់ថា ការបាត់បង់ព្រឹទ្ធាចារ្យទេវនាដ ឯម ធាយ គឺជាការបាត់បង់មរតកសិល្បៈរបាំបុរាណខ្មែរដ៏កម្រមួយរូប ដែលគួរឲ្យសោកស្តាយបំផុត និងសូមបួងសួងដល់ដួងវិញ្ញាណក្ខន្ធព្រឹទ្ធាចារ្យដល់ឋានបរមសុគតិភពកុំបីខានឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀងលោក សុះ ម៉ាច បានបន្តថា នៅក្នុងពេលនេះដែរ ដោយតំណាងឲ្យសមាគមសិល្បករខ្មែរ និងសមាគមមិត្តសិល្បៈស្ម័គ្រចិត្តជួយសង្គម លោកក៏បានបច្ច័យចំនួន២លានរៀលរបស់សម្តេចតេជោ ហ៊ុន សែន និងសម្តេចកិតិ្តព្រឹទ្ធបណ្ឌិត ប៊ុនរ៉ានី ហ៊ុនសែន ចូលរួមបុណ្យឧបាសិកាព្រឹទ្ធាចារ្យ ទេវនាដ ឯម ធាយ ផងដែរ។

សូមបញ្ជាក់ថា ព្រឹទ្ធាចារ្យ ឯម ធាយ ទទួលមរណភាពនៅវេលាម៉ោង១២និង២០នាទីរំលងអធ្រាត្រចូលថ្ងៃទី១៥ ខែមិថុនា ឆ្នាំ២០២១នេះ ក្នុងជន្មាយុ៨៨ឆ្នាំ។ ប៉ុន្តែសពរបស់លោកយាយត្រូវបានបូជាភ្លាមៗផងដែរ ក្រោយតេស្តសំណាករកឃើញជំងឺកូវីដ-១៩។

គេចាត់ទុកថា នេះជាដំណឹងដ៏ក្ដុកក្ដួល និងសោកសៅបំផុត សម្រាប់ក្រុមគ្រួសារនិងមហាជនអ្នកគាំ ទ្រ បន្ទាប់ពីទទួលដំណឹងនៃការទទួលមរណភាពរបស់ព្រឹទ្ធាចារ្យទេវនាដនិម្មិត ឯម ធាយ ដែលមរតកមនុស្សរស់ថ្នាក់ជាតិឯកទេសរបាំក្បាច់បុរាណខ្មែរ៕

អត្ថបទ ៖ ចាន់រ៉ា