ជីវិតកម្សាន្ដ

អ៉ីវ៉ា ឆ្លើយតបទៅកាន់អ្នករិះគន់ថា ធ្លាក់ខ្លួនលក់បុកល្ហុង

បានផុស

៣ years មុន

នៅ

ថ្ងៃអង្គារ ២២ មិថុនា ២០២១

ដោយ

តារាចម្រៀងកញ្ញា ឃីន ស្រីនាថ ហៅ អ៉ីវ៉ា បានចេញមុខឆ្លើយតបភ្លាមៗបន្ទាប់ពីមានការរិះគន់ថាមកពីនាងធ្លាក់កូដទើបប្រែមកស្រវ៉ាចាប់អាជីពបុកល្ហុងប្រកូកប្រកាសនៅលើបណ្តាញសង្គម។

ឆ្លើយតបនឹងការលើកឡើងនេះ សាមីខ្លួនកញ្ញា អ៊ីវ៉ា បានបញ្ជាក់ថា ជាការពិត គឺមានគេនិយាយថា ផុសលក់បុកល្ហុងដដែលៗរាល់ថ្ងៃអត់ខ្មាស់គេទេ? ខ្លះទៀតនិយាយថា ធ្លាក់ខ្លួនហើយមើលទៅបានមកលក់បែបហ្នឹង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាចម្លើយត្រូវបាន អ៊ីវ៉ា ប្រាប់ឲ្យដឹងតាមសារហ្វេសប៊ុកដោយលើកហេតុផលពីរដូច្នេះថា «ចា៎ ការរកស៊ីអត់មានអី្វត្រូវខ្មាសគេផង ឲ្យតែសច្ចៈទៀងត្រង់ ហើយផុសរាល់ថ្ងៃហ្នឹងដោយសារតែធ្វើហាងហើយតែបើកលក់មិនទាន់កើត ព្រោះកូវីដមិនទាន់ស្ងាត់ ក៏នៅតែបន្តផុសលក់ដោយការវេចខ្ចប់ បើមិនឲ្យខ្ញុំផុសមិចមានអ្នកដឹងថា ខ្ញុំលក់ទៅ? សមយ័នេះសម័យអនឡាយណាចា៎»។

ចម្លើយទី២,មិនមែនទាល់តែលក់ពេជ្រ លក់ឡាន ឬលក់របស់ថ្លៃៗទើបឡូយ មិនធ្លាក់ខ្លួនធ្លាក់កូដនោះទេ ខ្ញុំរកតាមសមត្ថភាពខ្ញុំ មុខរបរអី្វក៏មានតម្លៃដែរឲ្យតែត្រឹមត្រូវ មិនបោកប្រាស់គេ យើងសាកក្រឡេកមើលទៅអ្នកមានៗផង គេមានហើយគេនៅតែខំចុះបើខ្ញុំមិនមានផងមិនឲ្យខ្ញុំខំយ៉ាងម៉ិចទៅ ?បានលុយណាចាយ?។

ជាមួយគ្នានេះ នាងបានបញ្ជាក់បន្ថែមដែរថា សម្រាប់អាជីពច្រៀងក៏នៅតែច្រៀង រកស៊ីក៏រកស៊ី ធ្វើការងារក៏ធ្វើ អាធំផ្គុំដោយអាតូចណា។ ណ្ហើយខ្ជិលរៀបរាប់ច្រើនចម្លើយមានតែប៉ុណ្ណឹងទេណាបង ហើយផ្ញើជូនខាងអ្នកដែលពូកែរអេចរអូចផង៕

អត្ថបទ ៖ ចាន់រ៉ា