ជីវិតកម្សាន្ដ

តារាសម្តែង ឈឹម អារីយ៉ា យំខ្សោះខ្លួន ខណៈជួបទុក្ខផ្ទួនៗស្ទើរទទួលយកមិនបាន

បានផុស

៤ years មុន

នៅ

ថ្ងៃសៅរ៍ ២៦ មិថុនា ២០២១

ដោយ

ភ្នំពេញ ៖ តារាសម្តែងអ្នកនាង ឈឹម អារីយ៉ា ពេល នេះនាងបានជួបទុក្ខផ្ទួនៗគ្នា ខណៈដែលអ្នកម្ដាយក្មេកទើបមរណភាពមិនទាន់បានប៉ុន្មានផងក៏ស្រាប់តែលោកប្តីជាទីស្រលាញ់បានទទួលមរណភាពចោលទាំងអាល័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពពីអ្នកសិល្បៈជិតដិតបានឲ្យដឹងថា អ្នកម្តាយក្មេក(ម្តាយលោក រស់ ឧស្សាហ៍ )ទើបតែទទួលមរណភាពកាលពីពេលថ្មីៗប៉ុណ្ណោះពោលគឺរំលងបានប៉ុន្មានថ្ងៃក៏ស្រាប់តែពេលនេះស្វាមីនាងលោក រស់ ឧស្សាហ៍ បានទទួលមរណភាពតាមក្រោយ។

ផ្អែកតាមការបង្ហោះរបស់អ្នកនាង ឈឹម អារីយ៉ា បានរៀបរាប់សារទាំងសោកសៅថា រស់ ឧស្សាហ៍(Ro s Auksa )ពេទ្យថា៣ថ្ងៃទៀតប្តីខ្ញុំបានទៅផ្ទះហើយ។ អូនប្រាប់បងកុំឲ្យគិតច្រើនបងអត់ស្តាប់អូនទេបងចិត្តដាក់ណាស់បងសុខចិត្តទៅនៅមួយម៉ាក់ហើយទុកអូននិងកូនចោល។

តាមប្រភពព័ត៌មានមួយចំនួនបញ្ជាក់ថា ស្វាមីឈឹម អារីយ៉ា ដែលមានឈ្មោះថារស់ ឧស្សាហ៍ដោយ មានអាការៈធ្ងន់រហូតអស់សង្ខារបណ្តាលមកពីជំងឺមួយចំនួនដូចជាបេះដូងធ្វើទុក្ខជាតិពុលក្នុងថ្លើមនិងលើសឈាមជាដើម។ ដំណឹងមរណភាពរបស់ស្វាមី អ្នកនាង អារីយ៉ា បានធ្វើឲ្យមានការសោកស្តាយខ្លាំងពីសំណាក់មិត្តភក្តិនិងក្រុមគ្រួសារ។

គេនៅចាំបានថា តារាសម្ដែង ឈឹម អា រី យ៉ា បានសម្រេចចិត្តដឹកដៃលោករស់ ឧស្សាហ៍ជាមន្ដ្រី ផ្កាយ២ រៀបការកាលពីថ្ងៃទី០៤ ខែឧសភា ឆ្នាំ២០១៩ នៅភោជនីយដ្ឋាន ទន្លេបាសាក់ ២ ( ក្បាលថ្នល់ )។ ឈឹម អារីយ៉ា នៅពេលដែលរៀបការរួចក៏បានសម្រេច លាឈប់សិល្បៈមួយរយៈសាងសុភមង្គលគ្រួសារដ៏កក់ក្តៅ៕

ដោយ ៖ ចាន់រ៉ា