ជីវិតកម្សាន្ដ

ស៊ឹម ស្រីនិច ប្រកាសបញ្ចប់អាជីពសិល្បៈក្រោយឆ្លង កាត់៦ឆ្នាំ

បានផុស

៤ years មុន

នៅ

ថ្ងៃព្រហស្បតិ៍ ១ កក្កដា ២០២១

ដោយ

ភ្នំពេញ ៖ តារាសម្តែងស្រីរូបស្រស់កញ្ញា ស៊ឹម ស្រីនិច ក្រោយឆ្លងកាត់និងដើរលើវិថីសិល្បៈមានរយៈពេល៦ឆ្នាំ ស្រាប់តែឥឡូវនេះនាងបានប្រកាសលាឈប់វិស័យមួយនេះដោយគ្មានលក្ខខ័ណ្ឌឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា ស៊ឹម ស្រីនុច មិនបានបញ្ជាក់ពីមូលហេតុដែ លឈានដល់ការសម្រេចចិត្តលាឈប់ពីសិល្បៈពេលនេះទេគ្រាន់តែនិយាយដោយខ្លីថាដោយសារនាង ត្រូវបំពេញធុរកិច្ចដែលមើលថែខ្លួនឯងនឹងការងារដែលគប្បីនឹងផ្អាកឬក៏បញ្ចប់ពីជីវិតសិល្បៈមួយនេះ។

ដោយឡែកនៅលើគណនីហ្វេសប៊ុក ស៊ឹម ស្រីនិច នៅថ្ងៃនេះនាងក៏បានបង្ហោះរៀបរាប់ដែរថា លាហើយជីវិតសិល្បៈ៦ឆ្នាំ នាងខ្ញុំទទួលបានការសើចសប្បាយនឹងសំណើចជាច្រើន ហើយមេរៀនក៏រាប់មិន អស់ថែមទៀតផង។

អរគុណដល់បងៗអ្នកដឹកនាំ ក្រុមហ៊ុនផលិតកម្មទាំងអស់ដែលធ្លាប់ផ្តល់ឱកាសនឹងស្នាមញញឹមដល់ក្មេងស្រីម្នាក់នេះឲ្យរៀនក្រោកឈរដើរដេកអង្គុយបែតបត់គ្រប់ស្ថានការនឹងកាលៈទេសៈទាំងអស់។

ស៊ឹម ស្រីនិច បន្ថែមថា បើមាននិស្ស័យលើវិថីមួយនេះនាងអាចនឹងបង្ហាញមុខជាថ្មីនៅពេលក្រោយឬឱកាសណាមួយ។ អរគុណបងៗអ្នកដឹកនាំដែលប្អូនធ្លាប់រួមការងារជាមួយផងដែរប្អូនស្រីម្នាក់នេះនឹកបងៗគ្រប់គ្នាស្រលាញ់ពេញបេះដូង៕

ដោយ ៖ ចាន់រ៉ា