ជីវិតកម្សាន្ដ

អ្នកសិល្បៈខ្មែរទាំងនេះនៅតែព្រួយបារម្ភ ទោះបីក្រសួងចេញសេចក្ដីប្រកាសពីការបកស្រាយរបស់ថៃរឿងកសាងប្រាសាទដូច អង្គរវត្តខ្មែរ

បានផុស

៣ years មុន

នៅ

ថ្ងៃពុធ ៧ កក្កដា ២០២១

ដោយ

ភ្នំពេញ ៖ ស្របពេលក្រសួងវប្បធម៌និងវិចិត្រសិល្បៈ នៅថ្ងៃនេះបានចេញសេចក្ដីប្រកាសបង្ហាញពីការបកស្រាយរបស់ថៃជុំវិញរឿងកសាងប្រាសាទដូចអង្គរវត្តរបស់ខ្មែរ តែគេឃើញមហាជននិងអ្នកសិល្បៈមយចំនួននៅតែសម្តែងការព្រួយបារម្ភលើករណីនេះ។

តួយ៉ាងតារាប្រុស-ស្រីប៉ុន្មានដួងខាងក្រោមនេះបានបង្ហោះសាររួមជាមួយរូបភាពបង្ហាញពីការមិនពេញចិត្តចំពោះរឿងប្រទេសថៃកសាង ដូចប្រាសាទអង្គរវត្តរបស់ខ្មែរ។ ពួកគេបានធ្វើការអធិប្បាយដោយការមិនជឿទៅនឹងការបកស្រាយរបស់ភាគីខាងប្រទេសថៃ។

១.តារាចម្រៀងលោក ជុំ លីណូ បាននិយាយថា គេខំធ្វើឲ្យដូចយើងដោយសារយើងល្អរកគ្មានដូចឈ្នះយើងជាកូនខ្មែរត្រូវចេះថែរក្សាការពារទាំងអស់គ្នា គេលួចយើងបានកុំបន្ទោសគេត្រូវបន្ទោសខ្លួនឯងដែលអោយគេលួចបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២.តារាចម្រៀងលោក កែវ វាសនា បានលើកឡើងដែរថាសុំអស់យោបល់ហើយក៏ធ្វើអីមិនកើតបានត្រឹមផុសនិងស៊ែរសំខាន់ខ្ញុំអាណិតប្រទេសខ្ញុំណាស់។

៣.បវរកញ្ញា Miss Grand Cambodia 2020 លី ជីវលី ក៏បានបញ្ចេញពីមិនពេញចិត្តថែមទាំងបានលើកឡើងនូវពាក្យពេចន៍ដែរថាមនុស្សជាអ្នកបង្កើតចំណេះដឹងវប្បធម៌ ទំនៀមទម្លាប់និងស្ថាបត្យកម្មផ្សេងៗទៅនឹងរចនាបថនៃប្រទេសនីមួយៗទន្ទឹមនឹងនោះចំណេះដឹងមួយចំនួនបានធ្វើឲ្យមនុស្ស មួយចំនួនក្បត់ឧត្ដមគតិដោយសារតែភាពលោភលន់ ចង់មានចង់បាន ដែលអ្វីមិនមែនជារបស់ខ្លួន ហ៊ានបំពានសច្ចភាពភ្លេចនូវបណ្តាំរបស់ព្រះពុទ្ធជាម្ចាស់នៃយើង។

នាងបន្តថា អង្គរវត្តមានតែ១លើពិភពលោកដែលជាបេតិកភណ្ឌពិភពលោក។ ក្នុងសេចក្តីប្រកាសថាមិនមែនតែជាក់ស្តែងគម្រោងប្លង់នៃការសាងសង់ថា ដូចប៉ុន្មានភាគរយ? សូមបងប្អូនមើលហើយវិភាគឲ្យមែនទែន។

៤.តារាសម្តែង ដេននី ក្វាន់បានបញ្ចេញមតិថាខ្ញុំស ង្ឃឹមថាថៃនឹងមិនCopy ប្រាសាទអង្គរវត្តដូចការប កស្រាយរបស់ក្រសួងទៅចុះ។ ហើយចុះជំហានបន្ទាប់បើសិនជាគេសាងសង់ហើយចេញមកដូចប្រាសាទអង្គរវត្ត១០០ភាគរយតើក្រសួងនឹងចាត់ការដូចម្តេចវិញទៅ? ឲ្យគេវ៉ៃចោលឬយ៉ាងណា?

នៅក្នុងសេចក្ដីប្រកាសរបស់ក្រសួងវប្បធម៌កម្ពុជាបានលើកឡើងអំពី ការបកស្រាយរបស់ភាគីថៃថាការកសាងប្រាសាទនៅទឹកថៃនោះ មិនបានលួចចម្លងពីប្រាសាទកម្ពុជានោះឡើយ គឺសាងសង់ឡើងតាមគំរូប្លង់ខ្លួនឯង និងរចនាបថប្រាសាទនៅក្នុងតំបន់នោះប៉ុណ្ណោះ៕

ដោយ ៖ ចាន់រ៉ា