ជីវិតកម្សាន្ដ

មន្ត្រីក្រសួងវប្បធម៌គាំទ្រការបើកសម្ពោធសាកល្បងរោងភាពយន្តឌីជីថលបង្កើតដោយកូនខ្មែរ

បានផុស

៤ years មុន

នៅ

ថ្ងៃព្រហស្បតិ៍ ៨ កក្កដា ២០២១

ដោយ

ភ្នំពេញ ៖ នេះចាត់ទុកថាជារបត់ថ្មីសម្រាប់ការអភិវឌ្ឍន៍វិស័យភាពយន្តនៅកម្ពុជានិងជាការសម្របខ្លួនក្នុងបរិបទនៃការរាលដាលនៃជំងឺកូវីដ-១៩។ គេសង្កេតឃើញអ្នកសិល្បៈល្បីៗបង្ហាញការគាំទ្រក្រោយ មានការប្រកាសបើកឲ្យដំណើរការសាកល្បងជាផ្លូវ ការនូវរោងភាពយន្តឌីជីថលមួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រោងភាពយន្តឌីជីថលAngkor DCត្រូវបានបង្កើតឡើងដោយកូនខ្មែរហើយដើម្បីបម្រើការកម្សាន្តរបស់មហាជន ពិសេសអ្នកនិយមទស្សនាភាពយន្តខ្នាតធំ។ នេះក៏ជាការចូលរួមចំណែកពង្រីកទីផ្សារវិស័យភាពយន្តនៅកម្ពុជា ពិសេសសម្រាប់អ្នកគ្មានពេលវេលាច្រើនដើម្បីមកទស្សនាក្នុងរោងភាពយន្តនិងអ្នករស់នៅក្រៅប្រទេសអាចចូលរួមទស្សនាបានដោយរីករាយ។

ការបញ្ជាក់នេះត្រូវបានលោក លៀក លីដា អគ្គនាយកក្រុមហ៊ុនលើកឡើងក្នុងកម្មវិធីប្រកាសបើកដំណើរការសាកល្បងឲ្យប្រើប្រាស់កម្មវិធីខាងលើក្រោមវត្តមានចូលរួមពីមន្ត្រីក្រសួងវប្បធម៌និងវិចិត្រសិល្បៈរួមទាំងសិល្បករផលិតករមួយចំនួន។

ចំណែកលោក ប៉ុក បូរ័ក្ស ដែលជាប្រធាននាយកដ្ឋានភាពយន្តនៃក្រសួងវប្បធម៌និងវិចិត្រសិល្បៈបានថ្លែងការសាទរចំពោះសមិទ្ធផលថ្មីនិងជាដំណឹងល្អសម្រាប់ផលិតករក្រោយពីភាពយន្តត្រូវបានបិទអស់រយៈពេល២ឆ្នាំព្រោះតែជំងឺកូវីដ-១៩ហើយផលិតករដទៃទៀតក៏អាចមានឱកាសយកស្នាដៃភាពយន្តរបស់ខ្លួនមកដាក់បញ្ចាំងនៅលើរោងភាពយន្តឌីជីថលនេះផងដែរ៕

ដោយ ៖ ចាន់រ៉ា