ជីវិតកម្សាន្ដ

ស៊ឹម ស្រីនិច ប្រាប់មូលហេតុឈប់ពីសិល្ប:

បានផុស

៣ years មុន

នៅ

ថ្ងៃសៅរ៍ ១០ កក្កដា ២០២១

ដោយ

តារាសម្តែងកញ្ញា ស៊ឹម ស្រីនិច ថ្មីៗនេះបានប្រកាសយ៉ាងភ្ញាក់ផ្អើល អំពីដំណឹងលាឈប់ពីអា ជីពសិល្បៈ ដែលខំសាងកេរ្តិ៍ឈ្មោះឡើងអស់រយៈពេលប្រមាណ៦ឆ្នាំមកហើយនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីយ៉ាងណាកាលនោះ ស៊ឹម ស្រីនិច មិនបានបញ្ជាប់ប្រាប់ពីមូលហេតុ ដែលធ្វើឲ្យនាងសម្រេចចិត្តឈប់ពីសិល្បៈយ៉ាងតក់ក្រហល់នេះទេ ដោយសារហេតុផលនេះហើយ ទើបធ្វើឲ្យអ្នកគាំទ្រមានចម្ងល់គ្រប់គ្នា។

ដើម្បីស្រាយមន្ទិលនេះតារាសម្តែងរូបស្រស់ ស៊ឹម ស្រីនិច បានប្រាប់កម្ពុជាថ្មីតាមសារអេឡិចត្រូនិកថា កត្តាដែលជំរុញឲ្យនាងឈប់ពីសិល្បៈ គឺដោយសារចង់មានពេលវេលាគ្រប់គ្រាន់ ដើម្បីរស់នៅបែបជីវិតផ្ទាល់ខ្លួន ហើយមួយវិញទៀតក៏ចង់យកពេលក្នុងការបើកនូវមុខជំនួញផ្ទាល់ខ្លួនផងដែរ។ ស៊ឹម ស្រីនិច បញ្ជាក់ថា”សម្រាប់ខ្ញុំគិតថា មកដល់ឥឡូវនេះ បានដើរលើអាជីពសិល្បៈច្រើនក្រាស់ក្រែលហើយដែរ ដូច្នេះទើបចង់ផ្លាស់ប្តូរបរិយាកាសមករកស៊ីម្តង”។ នាងថា បច្ចុប្បន្នកំពុងសិក្សាលើមុខជំនួញថ្មី ដែលមានគម្រោងត្រៀមបើកឆាប់ៗខាងមុខនេះ។

តារាស្រីស៊ឹម ស្រីនិច បន្ថែមថែមដែរថា ចំពោះអាជីពសិល្បៈទៅថ្ងៃខាងមុខ បើសិនជាមានពេលវេលាគ្រប់គ្រាន់ឬមានឱកាសនាង និងចូលប្រឡូកជាថ្មីឡើងវិញ ដើម្បីបម្រើអារម្មណ៍ទស្សនិកជនអ្នកគាំទ្រ៕

អត្ថបទ៖ ចាន់រ៉ា