ជីវិតកម្សាន្ដ

ក្រោយសម្រាកព្យាបាលកូវីដមួយរយៈ តារាកំប្លែងថៃ Kohtee Aramboy ទាមទារចង់ទៅផ្ទះវិញឆាប់ៗ

បានផុស

៤ years មុន

នៅ

ថ្ងៃសៅរ៍ ១០ កក្កដា ២០២១

ដោយ

កាលពីថ្ងៃ ៣០ ខែ មិថុនា តារាកំប្លែងល្បីឈ្មោះថៃ Kohtee Aramboy បានបង្ហោះលើបណ្ដាញសង្គម Instagram ថា លោកមានវិជ្ជមានកូវីដ ក្រោយធ្វើតេស្តរហូតដល់ទៅ ៣ ដងឯណោះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Kohtee Aramboy បានបញ្ជូនសម្រាកព្យាបាលនៅមន្ទីរពេទ្យភ្លាមៗ ក្រោយលោកប្រកាសប្រាប់មិនបានប៉ុន្មានម៉ោងផង។

ដោយឡែកកាលពីពេលថ្មីៗនេះ ពិធីករល្បីឈ្មោះ លោក Sorayut Sutasanajinda ដែលជាមិត្តជិតស្និទ្ធរបស់តារាកំប្លែងរូបនេះ បានខលទូរស័ព្ទជាវីដេអូជាមួយ Kohtee តាមរយៈ Instagram ផ្ទាល់ខ្លួន របស់លោក។ លោកក៏បានបង្ហោះសារ ភ្ជាប់ជាមួយវីដេអូខលថា តារាកំប្លែង Kohtee Aramboy នឹងអាចវិលមកផ្ទះឆាប់ៗនេះ។

តាមរយៈវីដេអូខលនោះ Kohtee Aramboy បាននិយាយថា“ ខ្ញុំចង់ទៅផ្ទះវិញឆាប់ៗ” ។ ថ្ងៃច័ន្ទសប្ដាហ៍ក្រោយនេះ ខ្ញុំអាចវិលត្រលប់ទៅវិញហើយ ប៉ុន្តែខ្ញុំត្រូវតែប្រយ័ត្ននិងបន្តធ្វើចត្តាឡីស័កបន្ថែម ១៤ ថ្ងៃទៀត។ កាលដែលខ្ញុំជាសះស្បើយ មិនមានន័យថា ខ្ញុំនឹងមិនមានឆ្លងទៀតនោះទេ “។

អ្នកគាំទ្រជាច្រើនហាក់ធូរចិត្តនិងបានសំដែងក្ដីសប្បាយរីករាយ ដែលតារាកំប្លែងមាឌម៉ាប់នេះឆាប់ជាសះស្បើយយ៉ាងរហ័សបែបនេះ។ ជាពិសេសគឺមិត្តភាពរវាងតារាកំប្លែង Kohtee Aramboy និងលោក Sorayut Sutasanajinda ដែលមិនប្រែប្រួលទៅណា៕

ប្រែសម្រួល៖ សាង ស្រីល័ក្ខ

ប្រភព៖sanook

ចុចអាន៖ក្ដៅៗ តារាកំប្លែងល្បីឈ្មោះថៃ Kohtee Aramboy តេស្ត ៣ ដងទើបឃើញវិជ្ជមានកូវីដ

ចុចអាន៖ក្ដៅៗ ប្រធាន Miss Grand International និងជាពិធីករថៃ Nawat Itsaragrisil ឆ្លងកូវីដ