ជីវិតកម្សាន្ដ
ចង់ដឹងទេតើនៅកម្ពុជាមានរោងភាពយន្តប៉ុន្មាននិងនៅខេត្តណាខ្លះ?
បច្ចុប្បន្ននេះនៅប្រទេសកម្ពុជាមានរោងភាពយន្តសរុបចំនួន២២នៅតាមរាជធានីខេត្តចំនួន៥ ក្នុងនោះរាជធានីភ្នំពេញមានចំនួនច្រើនជាងគេ។ លោក ប៉ុក បូរក្ស ប្រធាននាយកដ្ឋានភាពយន្តនៃក្រសួងវប្បធម៌ និងវិចិត្រសិល្ប:បានឲ្យដឹងនៅព្រឹកថ្ងៃទី២១វិច្ឆិកានេះថា បច្ចុប្បន្ននេះនៅទូទាំងប្រទេសមានរោងកុនចំនួន២២ មានបន្ទប់បញ្ចាំងចំនួន៩៨និងចំនួនកៅអីចំនួន១៤៣៤២កន្លែងនៅតាមរាជធានីខេត្តចំនួន៥។
លោកបានបន្តថា ក្នុងនោះមានរាជធានីភ្នំពេញមានរោងភាពយន្តចំនួន១៤មានបន្ទប់បញ្ចាំងចំនួន៧៥ និងមានចំនួនកៅអីជាង១ម៉ឺនកន្លែង។ ខេត្តសៀមរាបមានចំនួន៣មាន៧បន្ទប់ និងមានកៅអីជាង១៤០០កន្លែង ។ខេត្តព្រះសីហនុមានចំនួន២កន្លែងមាន៦បន្ទប់ និងមានចំនួនកៅអីជាង៦០០កន្លែង។ ខេត្តបាត់ដំបងមានចំនួន១កន្លែងមាន២បន្ទប់និងចំនួនកៅអីជិត៣០០កន្លែងនិងខេត្តបន្ទាយមានជ័យមានចំនួន២កន្លែងមាន៥បន្ទប់និងចមានចំនួនកៅអីជិត៥០០កន្លែង។

លោកបានបន្ថែមទៀតថា គិតត្រឹមថ្ងៃនេះមានរោងភាពយន្ត ដែលបានបើកដំណើរការមានចំនួនដដែលទេដូចមុនព្រឹត្តិការណ៍ថ្ងៃ០៣វិច្ឆិកាពោលគឺមិនមានប្រែប្រួលទេ។
លោកបានបញ្ជាក់ថាមានរោងភាពយន្តនៅចំនួន៤រួមមានខេត្តបន្ទាយមានជ័យ ព្រះសីហនុ បាត់ដំបងនិងកំពង់ចាមកំពុងដាក់ពាក្យស្នើសុំមកក្រសួងសុំបើកដំណើរការរោងភាពយន្តឡើងវិញព្រោះថាមុនការបើកដំណើរការរោងកុនឡើងវិញនេះក្រសួងតម្រូវឲ្យដាក់ពាក្យស្នើសុំមកក្រសួងនិងចុះអនុស្សារណៈជាមួយក្រសួងជាមុនសិន។
លោកបានឲ្យដឹងទៀតថា ក្នុងនោះក្រសួងតម្រូវឲ្យរោងកុនទាំងនោះដាក់អ្នកទស្សនាបានតែ៥០ភាគរយប៉ុណ្ណោះនៃចំនួនកៅអីសរុបនិងត្រូវគោរពទៅតាមវិធានរបស់ក្រសួងសុខាភិបាលនិងក្រសួងវប្បធម៌ដូចជាតម្រូវឲ្យអ្នកចូលទស្សនាពាក់ម៉ាស វ៉ាស់កម្តៅ រក្សាគម្លាត សំអាតអនាម័យដៃ បញ្ចាំងសារអប់រំ បាញ់ថ្នាំសម្លាប់មេរោគពេលចប់រឿងនីមួយៗនិងសំអាតបន្ទប់ទឹកឲ្យមានអនាម័យស្អាតដើម្បីកុំឲ្យឆ្លងជំងឺផ្សេងៗពិសេសជំងឺកូវីដ១៩៕
សំអឿន



-
ព័ត៌មានជាតិ៤ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ១ សប្តាហ៍ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ៣ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ព័ត៌មានជាតិ២ ថ្ងៃ ago
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ចរាចរណ៍៤ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
ព័ត៌មានជាតិ១ សប្តាហ៍ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៤ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់