ចូលរួម​សោកស្តាយ!​ ពិធី​ការិនី យុគ ចិន្តា មានទុក្ខ​ធំ​ ព្រោះ​ម្តាយ​ជាទី​ស្រលាញ់ទទួល​មរណភាព​

​នេះ​គឺជា​ដំណឹង​មរណទុក្ខ​ដ៏​ក្រៀមក្រំ​និង​សោកសៅ​បំផុត​ ខណៈពិធី​ការិនី​ល្បីឈ្មោះ​អ្នកនាង យុគ ចិន្តា និង​ក្រុមគ្រួសារ​មានទុក្ខ​ធំ​ ដែល​អ្នក​ម្តាយ​ជាទី​ស្រលាញ់​ទទួលមរណភាព​មុន​នេះ​បន្តិច​។​

​ពិធី​ការិនី​ចាស់​វង្សា​សម្បូរ​វោហារសព្ទ​មិន​ចេះ​រីងស្ងួត​អ្នកនាង យុគ ចិន្តា បាន​បង្ហោះ​សារ​ដ៏​ក្រៀមក្រំ​នេះ​នៅ​ព្រឹក​ថ្ងៃទី​១៣​ ខែកក្កដា ​ឆ្នាំ​២០២១​នេះ​ថា ​សូម​ឲ្យ​ដួង​វិញ្ញាណក្ខន្ធ​អ្នក​ម្ដាយ​ទៅកាន់​សុគតិភព​ចុះ​ណា​។ ​ប៉ុន្តែ​អ្នកនាង​មិនបាន​បញ្ជាក់​ទេ​ថា ​អ្នក​ម្តាយ​នាង​ស្លាប់​ដោយសារ​ជំងឺ​អ្វី​ឡើយ​។​

​ជាមួយគ្នា​នៃ​ដំណឹង​មរណទុក្ខ​ដ៏​ក្រៀមក្រំ​នេះ​គេ​ឃើញ​មាន​អ្នកសិល្បៈ​ជាច្រើន​បាន​ផ្ញើ​សារ​ចូលរួម​សោកស្តាយ​និង​រំលែក​ទុក្ខ​ជាមួយ​អ្នកនាង យុគ ចិន្តា និង​ក្រុម​គ្រួសារ​ដែល​បាត់បង់​មនុស្ស​ជាទី​ស្រលាញ់​នៅពេលនេះ​ផង​ដែរ​៕

អត្ថបទ​៖ ចាន់​រ៉ា​