តារាកំប្លែង ខ្ញុង សុខៗប្រកាស ឈប់​ពីសិល្ប:គ្មានស្តាយក្រោយ

តារាកំប្លែងអ្នកនាងស្រេង សុកាន់ដា ហៅ ខ្ញុង ថ្មីៗនេះបានធ្វើឱ្យមហាជន និងអ្នកគាំទ្រភ្ញាក់ផ្អើលគ្រប់គ្នាខណ:នាងបានប្រកាសពីគម្រោងឈប់ពីសិល្ប:គ្មានស្តាយក្រោយទេ។

តារាកំប្លែងអ្នកនាង ខ្ញុង បានបង្ហោះនៅលើគណនីហ្វេសប៊ុករបស់ខ្លួនថាបើឈប់ពីសិល្បៈនៅស្រលាញ់ខ្ញុំទេ?។តាមរយ:នេះមានទស្សនិកជនមួយចំនួនធំបានមានចម្ងល់និងផ្ញើសារសួរនាំគ្រប់គ្នាជុំវិញហេ តុផលនៃការឈប់នេះ។
ផ្អែកតាមការ Live រៀបរាប់នៅលើបណ្តាញសង្គមហ្វេសប៊ុកគេឃើញអ្នកនាង ខ្ញុងលើកឡើងថាការឈប់នេះដោយ​សារតែឆ្អែតឆ្អន់លើការងារសិល្ប: ព្រោះរហូតដល់ពេលនេះនាងប្រឡូកមានរយ:ពេ លច្រើនឆ្នាំមកហើយ។

ម្យ៉ាងការឈប់នេះក៏មាន ហេតុនិងផលរបស់វាហើយនាងដឹងច្បាស់ពីការ សម្រេចចិត្តមួយនេះ។ ខ្ញុង បានបញ្ជាក់ថាបើកន្លែងនឹងមានសេចក្តីសុខ កន្លែងនឹងឲ្យយើងរស់នៅស្រួលខ្ញុំមិនគិយថាចង់ដើរចេញនោះទេ ហើយខ្ញុំក៏ទទួលស្គាល់ថាដោយ សារសិល្ប:ទើបមានកេរ្តិ៍ឈ្មោះនិងការគាំទ្រប៉ុន្តែពេលនេះគឺចង់បោះបង់ព្រោះមិនចង់បានសេចក្តីសុខក្លែងក្លាយនោះទេ។

អ្នកនាង ខ្ញុង បានបន្ថែមថាសូមឈប់គិតថានាងជាសិល្ប:ទៀតទៅហើយការឈប់នេះក៏ព្រោះតែមានហេតុផលរបស់ខ្លួន​។​ ម្យ៉ាងទៀតការឈប់នេះនាងមិនបានទៅលួចឬឆក់ប្លង់នណាទេគឺរកស៊ីតា មលក្ខណ:ធម្មតាដោយការស្មោះត្រង់៕ អត្ថបទ៖ ចាន់រ៉ា