តារាជើងចាស់លោក អៀង ស៊ីធុល​​ធ្លាក់ខ្លួនឈឺធ្ងន់​ចេញទៅវះកាត់​នៅក្រៅប្រទេស

វីរសិល្បករជើងចាស់លោកគ្រូ អៀង ស៊ីធុល ស្របពេលដែលបាត់មុខពីសិល្បៈអស់មួយរយៈធំនោះក៏ស្រាប់តែឭដំណឹងភ្ញាក់ផ្អើលថាបច្ខុប្បន្នលោកគ្រូកំពុងធ្លាក់ខ្លួនឈឺធ្ងន់ចេញទៅព្យាបាលនៅឯក្រៅប្រទេស។

ប្រភពព័ត៌មានបានឲ្យដឹងថាលោកគ្រូ អៀងស៊ីធុលពេលនេះកំពុងតែសម្រាកព្យាបាលជំងឺបេះដូងកម្រិតធ្ងន់ ខណ:ថ្មីៗនេះក៏ទើបតែទទួលការវះកាត់នៅមន្ទីរពេទ្យមួយក្នុងទីក្រុងប៊ូស្តុននាទឹកដីអាមេរិកផងដែរ។ប្រភពបន្តថាលោកបានវះកាត់ជំងឺបេះដូងរួចរាល់ហើយបន្ទាប់ពីមានបងប្អូននៅទីនោះជាអ្នកធានាយកទៅព្យាបាល។

យ៉ាងណាមិញបន្ទាប់ពីទទួលបានការវះកាត់រួចរា ល់ហើយលោកគ្រូ អៀង ស៊ីធុល ឥឡូវនេះហាក់មានសភាពធូស្រាលខ្លះគ្រាន់តែដើរមិនទាន់រួចនៅ ឡើយទេដោយសម្រាកលើគ្រែពោលគឺត្រូវប្រើពេលច្រើនខែទៀតទើបលោកគ្រូអាចវិល​មករកសភាពដូចដើមវិញ។

គេសង្កេតឃើញថាតារាចម្រៀងជើងចាស់និងជាសាស្ត្រាចារ្យផ្នែកសិល្បៈបុរាណលោក អៀង ស៊ីធុល បានស្ងប់ស្ងាត់ពីសិល្ប:មានរយ:ពេលយូរហើ យទើបតែថ្មីៗនេះធ្លាយដំណឹងនៃការធ្លាក់ខ្លួនឈឺធ្វើឲ្យមហាជននិងអ្នកគាំទ្របារម្ភគ្រប់គ្នា៕ ដោយៈចាន់រ៉ា