ជីវិតកម្សាន្ដ

ប្រវត្តិតស៊ូ តារាចម្រៀង ឱក សុគន្ធកញ្ញា ឆ្លងកាត់ផលិតកម្មណាខ្លះ?

បានផុស

៤ years មុន

នៅ

ថ្ងៃព្រហស្បតិ៍ ២២ កក្កដា ២០២១

ដោយ

ភ្នំពេញ៖ ទស្សនិកជនបានដឹងគ្រប់គ្នាហើយថាតារាចម្រៀង ឱក សុគន្ធកញ្ញា មកដល់សព្វថ្ងៃបានសាងភាពល្បីល្បាញខ្លាំងមិនត្រឹមតែនៅក្នុងប្រទេសទេគឺឆ្លងដល់នាយសមុត្រទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឱក សុគន្ធកញ្ញា ត្រូវបានគេមើលឃើញថា នាងជាតារាស្រីដែលឈរនៅលំដាប់ជួរមុខក្នុងផលិតកម្មក្នុងស្រុក ហើយក៏ជាកំពូលតារាចម្រៀងស្រីមួយរូបប្រចាំប្រទេសផងដែរ។ ឱក សុគន្ធកញ្ញា ជាតារាចម្រៀងម្នាក់ដែលមានប្រវត្តិតស៊ូ និងមានទំនោរទៅរកវិស័យសិល្បៈតាំងពីនាងមានអាយុ១០ឆ្នាំមកម្ល៉េះ។

គេកត់សម្គាល់ថា ឱក សុគន្ធកញ្ញា បានផ្លាស់ប្ដូរផលិតកម្មពីមួយទៅមួយដោយនៅឆ្នាំ១៩៩៩-២០០៥ នាងបានចាប់ផ្ដើមអាជីពតន្ត្រីក្នុងផលិតកម្មរ ស្មីស្ទឹងសង្កែ ហើយនៅឆ្នាំ២០០៦-២០០៧ នាងឈរជើងនៅផលិតកម្មU2។

ក្រោយមក នៅឆ្នាំ២០០៨ ឱក សុគន្ធកញ្ញា ក៏បានចូលរួមក្នុងផលិតកម្ម Rock Music ហើយនៅចុងឆ្នាំ២០០៨ នាងក៏ចាកចេញពីផលិតកម្ម Rock ទៅចូលរួមជាមួយផលិតកម្មរស្មីហង្សមាស រហូតមកដល់បច្ចុប្បន្ន។ ដូច្នេះគិតរហូតមកដល់ពេលនេះ អ្នកនាងបានសាងភាពល្បីល្បាញនៅផលិតកម្មរស្មីហង្សមាសប្រមាណជាង១០ឆ្នាំមកហើយ។

ជាការពិតចំពោះការឈានជើងក្នុងវិស័យសិល្បៈដូចជា ឡើងសម្ដែង ច្រៀងចូលរួមកម្មវិធីផ្សេងៗ តារាចម្រៀងរូបនេះតែងទទួលបានការចូលចិត្ត និងគាំទ្រខ្លាំងពីបណ្តាមិត្តៗយុវវ័យប្រុសស្រីជាច្រើន។ ម្យ៉ាងទៀតរហូតមកទលើពេលនេះ ទោះបីជានាងមានស្វាមី និងកូនហើយពិតមែន តែប្រជាប្រិយភាព និងការគាំទ្រនៅតែមានសន្ទុះខ្លាំង៕

អត្ថបទ៖ ចាន់រ៉ា