ជីវិតកម្សាន្ដ

ដោយសារជំងឺនេះទើប រំដួលលិចទឹក ធ្លាក់ខ្លួនឈឺ ធ្ងន់សល់ស្បែកដណ្តប់ឆ្អឹង

បានផុស

៣ years មុន

នៅ

ថ្ងៃពុធ ២៨ កក្កដា ២០២១

ដោយ

ភ្នំពេញ ៖ ថ្មីៗនេះបន្ទាប់បាត់មុខមួយរយៈពីសិល្បៈ តារាម៉ូឌែលនិងជាអ្នកច្នៃម៉ូដសម្លៀកបំពាក់ដ៏ជំនាញលោក ម៉ិញ ចាន់វ៉ាន់ដា ហៅ រំដួលលិចទឹក ក៏ស្រាប់តែធ្វើឲ្យមហាជនភ្ញាក់ផ្អើលគ្រប់គ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយវត្តមានរបស់តារាភេទទី៣រំដួលលិចទឹកពេលនេះ គឺខុសពីគ្រាមុនៗព្រោះរូបគេតែងបង្ហាញម៉ូដសម្លៀកបំពាក់ដែលច្នៃប្លែកៗដើម្បីបង្អួតភ្នែកមហាជនដោយហេតុផលថាម្តងនេះ រំដួល លិចទឹក ចេញមកដោយសភាពទ្រុឌទ្រោមបំផុត។

តួយ៉ាង រំដួលលិចទឹក បានបញ្ចេញរូបភាពមួយចំនួននៅគណនីហ្វេសប៊ុកឈ្មោះDada Tueella ដែលមានសភាពស្លេកស្លាំងនិង ទ្រុឌ ទ្រោម ខ្លាំង សល់តែស្បែកដណ្ដប់ឆ្អឹងដែលធ្វើឱ្យអ្នកគាំទ្រនិងមហា ជនរួមទាំងមិត្តភក្តិសិល្បៈមានការតក់ស្លុតអាណិតរូបគេខ្លាំង។

បើតាមការបញ្ជាក់ពីមិត្តភក្តិអ្នកសិល្បៈរួមអាជីពបានលើកឡើងថា លោក ម៉ិញ ចាន់វ៉ាន់ដា ហៅ រំដួលលិចទឹក បានធ្លាក់ខ្លួនឈឺដោយសារជំងឺម្យ៉ាងគឺជាតិពុលក្នុងឈាម។ តាមរយៈនេះគេក៏ឃើញមានសិល្បករ-សិល្បការិនីជាច្រើនបានជូនពរឱ្យតារាម៉ូឌែលដែលមានទេពកោសល្យរូបនេះឆាប់ជាសះស្បើយពីជំងឺផងដែរ៕

ដោយ ៖ ចាន់រ៉ា