ជីវិតកម្សាន្ដ

សុខ រ៉ាស៊ី ប្រកាសមិនសុំទោសដាច់ខាតនិងចាត់ទុកទង្វើលោក អ៊ិន សុភិន កំពុងរកឧបាយកលថ្មីគេចវេសពីបញ្ហា

បានផុស

៣ years មុន

នៅ

ថ្ងៃព្រហស្បតិ៍ ២៩ កក្កដា ២០២១

ដោយ

ភ្នំពេញ ៖ រឿងក្តីក្តាំងរវាងពិធីករ សុខ រ៉ាស៊ី និងលោក អ៊ិន សុភិន ដែលជាថៅកែផលិតកម្មមហាហង្សគឺនៅមិនទាន់មានដំណោះស្រាយទេទោះបីមានការសម្របសម្រួលនៅស្នងការដ្ឋាននគរបាលរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីការសម្របសម្រួលពិធីករ សុខ រ៉ាស៊ី បានទម្លាយថានៅក្នុងជំនួបចរចាលើកទី១រវាងលោកនិង លោក អ៊ិន សុភិន គឺមិនទាន់បញ្ចប់ទេព្រោះនៅមានចំណុចខ្លះដែលធ្វើឲ្យលោក សុខ រ៉ាស៊ី ពុំអាចទទួលយកបាន។

លោក សុខ រ៉ាស៊ី បញ្ជាក់ថា ក្នុងការសម្របសម្រួលនោះលោក អ៊ិន សុភិន បានស្នើឲ្យលោកចេញលិខិត ឬ វីដេអូLiveជាសាធារណៈមួយដើម្បីសុំទោសក្នុងចេតនាលាងកិត្តិយសខ្លួន ដែលលោកធ្វើឲ្យបែកធ្លាយរឿងជំពាក់លុយនេះ។ ត្រង់ចំណុចនេះលោក សុខ រ៉ាស៊ី បដិសេធន៍មិនមានការសុំទោសជាដាច់ខាត។

ប៉ុន្តែយ៉ាងណាមិញ ក្រោយមានការទម្លាយរឿងខាងលើក៏ស្រាប់តែគេឃើញលោក អ៊ិន សុភិន បានប្រកាសប្ដូរជំហរវិញដោយលែងចង់ចរចាអ្វីបន្ដទៅ ទៀតគឺទុកឲ្យតុលាការជាអ្នកវែកញែករកខុសត្រូវវិញព្រោះលោកចាត់ទុកថា លោក សុខ រ៉ាស៊ី ផ្គើនលើជំហរដោះស្រាយ។

ទន្ទឹមគ្នានៃការកើនកម្ដៅលើបញ្ហាខាងលើនេះលោក សុខ រ៉ាស៊ី នៅរសៀលថ្ងៃទី២៩ខែកក្កដានេះបានចេញសារដោយបញ្ជាក់ថា ខ្ញុំជាអគ្គនាយកក្រុមហ៊ុនខ្ញុំជាអ្នកជួលឆាក អត់ឲ្យលុយគេមួយឆ្នាំហើយថា គេអត់បានព្រមព្រៀងតម្លៃសម្តីអន់ជាង លាមកទៀតជួលឆាកឲ្យគេចប់ ដល់ទៅបី កម្មវិធី គេថា អត់មានឯកសារស្របច្បាប់ មួយឆ្នាំទៅហើយ។

លោកបន្តថា នេះជាឧបាយកលថ្មី រកគេចវេសពីបញ្ហា សំណាងណាស់លោកបានថតសម្លេងនិងឆា ត អង្វរលោកជិតមួយឆ្នាំនេះទុកនិងសារបោកបញ្ឆោតថា មិនបាច់កក់អីទេ គ្នាឯងចប់យកលុយភ្លាម អស់ពីហ្នឹងគឺធ្វើមួយទៀតចប់យកលុយទាំងអស់ទៅតែនេះចប់មួយឆ្នាំមិនទាន់បានមួយរៀលលុយខ្មែរផង។

លោក សុខ រ៉ាស៊ីបានបន្ថែមថា កន្លងមកលោកធ្លា ប់និយាយដោយចរចារជាមួយលោក អ៊ិន សុភិន ដោយសុំមួយខែតែ៥០០ដុល្លារទៅ១០០០ដុល្លារក៏ លោក អ៊ិន សុភិន មិនអោយយើងផង។ដូច្នេះឈឺ ចាប់មានតែការលក់ឡាន លក់ផ្ទះ បើកលុយឲ្យ កម្មករកុំឲ្យថោក ដូចគាត់។ លោក អ៊ិន សុភិន នៅរសៀលនេះមិនអាចទំនាក់ទំនងសួរនាំបន្ថែមបាននៅឡើយទេ៕

ដោយ ៖ ចាន់រ៉ា