ជីវិតកម្សាន្ដ

អស់ពីបរិច្ចាគ ! Min ស៊ូលះបង់ស្លៀកឈុត PPE ចុះចែកអាហារដល់ជនអនាថា រងគ្រោះដោយកូវីដម្ដង

បានផុស

៣ years មុន

នៅ

ថ្ងៃចន្ទ ២ សីហា ២០២១

ដោយ

សាង ស្រីល័ក្ខ

ថៃរងគ្រោះនឹងវិបត្តិកូវីដកាន់តែខ្លាំងក្លាជាងមុនថែមទៀត ខណៈតារាសិល្បៈគ្រប់គ្នា ក៏មិនឈរមើលប្រទេសជាតិខ្លួននឹងភ្នែកដែរ។

ដោយម្នាក់ៗខិតខំបរិច្ចាគរបស់ ឬឧបករណ៍វេជ្ជសាស្ត្រ តាមសមត្ថភាពខ្លួនមាន ទៅដល់មន្ទីរពេទ្យដែលកំពុងខ្វះខាត ទាំងគ្រែសម្រាកព្យាបាល និងថ្នាំសង្កូវផ្សេងៗ សម្រាប់អ្នកជំងឺកូវីដ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែក តារាសម្ដែងស្រីមានប្រជាប្រិយភាព ប្រចាំប្រទេសថៃ Min Peachya បានលះបង់កម្លាំងកាយចិត្ត មិនខ្លាចថាខ្លួននឹងឆ្លងកូវីដ ដោយនាងស្លៀកឈុត PPE ចុះទៅចែកគ្រឿងឧបភោគបរិភោគដោយផ្ទាល់ ដល់ជនអនាថា និងអ្នករងគ្រោះដោយសារជំងឺរាតត្បាតនេះផងដែរ។ ស្របពេលថ្មីៗនេះ Min ទើបតែបានចូលរួមជាថវិកា ទិញបន្ទប់សម្ពាធផាសុខភាពឬ PPR ទៅប្រគល់ឲ្យមន្ទីរពេទ្យចំនួន ៩ នៅតាមខេត្ត ដែលមានតម្លៃស្មើ ១.៥ លានបាត ។

តារាញញឹមស្រស់ប្រចាំប៉ុស្តិ៍លេខ ៧ ថៃ រូបនេះ បានសរសេរលើបណ្ដេញសង្គមថា ” ថ្ងៃនេះ Min សុំការអនុញ្ញាតស្លៀកពាក់ឯកសណ្ឋាន PPE ដើម្បីផ្ដល់ជូនអាហារដល់ជនអនាថា នៅក្រោមផ្លូវហាយវេ ដោយខ្លួនឯង ហើយខ្ញុំចង់ប្រាប់ដល់ពួកគាត់ថា ទោះបីជាពួកគាត់គ្មានផ្ទះសម្បែងក៏ដោយ តែពួកគាត់នៅតែមានសាច់ញាតិ ជាប្រជាជនថៃទាំងអស់ ដែលត្រៀមខ្លួនជួយជានិច្ច ” ។

តារាសិល្បៈគ្រប់គ្នា និងសង្គមថៃ បានបញ្ចេញមតិគាំទ្រអ្វីដែល Min បានធ្វើថ្ងៃនេះ ហើយអរគុណនាងចំពោះការលះបង់ ជួយប្រទេសជាតិ ដែលកំពុងធ្លាក់ក្នុងសភាពធ្ងន់ធ្ងរខ្លាំងដោយសារជំងឺកូវីដ ១៩ ៕

ប្រែសម្រួល៖សាងស្រីល័ក្ខ

ប្រភព៖sanook

ចុចអាន៖Min Peachya បរិច្ចាគទឹកប្រាក់ ១.៥ លានបាត ខណៈមន្ទីរពេទ្យតាមខេត្តកំពុងកង្វះឧបករណ៍វេជ្ជសាស្ត្រធ្ងន់ធ្ងរ

ចុចអាន៖តួឯកស្រី ” បុព្វេសន្និវាស” បរិច្ចាគធុងអុកស៊ីសែន ជួយដល់មន្ទីរពេទ្យរងគ្រោះ ដោយសារកូវីដធ្ងន់ធ្ងរ

ចុចអាន៖តារាសំដែងចាស់វស្សា Aum បរិច្ចាគឧបករណ៍ជំនួយអុកស៊ីសែន ជួយអ្នកជំងឺកូវីដ ខណៈថៃផ្ទុះករណីច្រើនឡើងៗ