ជីវិតកម្សាន្ដ

ហង្ស ម៉ារីនី ទម្លាយរឿងពិតនៅពីក្រោយខ្នងរបស់ស្ត្រីគ្រប់រូប ដែលស្វាមីគួរស្វែងយល់

បានផុស

៣ years មុន

នៅ

ថ្ងៃចន្ទ ២ សីហា ២០២១

ដោយ

ភ្នំពេញ ៖ បន្ទាប់ពីសាងបានកេរ្តិ៍ឈ្មោះល្បីល្បាញអ្នកនាង ហង្ស ម៉ារីនី មួយរយៈចុងក្រោយនេះក៏បានឃ្លាតឆ្ងាយពីសិល្បៈក្រោយពីរៀបការរួមរស់សាងសុភមង្គលជាមួយស្វាមីនឹងជោគជ័យលើមុខជំនួញលក់ផលផលអនឡាញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិត ហង្ស ម៉ារីនី ក្រោយពេលរៀបការត្រូវបានគេដឹងថា នាងនិងស្វាមីបច្ចុប្បន្នគឺទទួលបានចំណងដៃកូនចំនួន២នាក់ ខណៈដែលពេលនេះគ្រួសាររបស់នាង បានរស់នៅយ៉ាងមានសេចក្តីសុខបំផុត។ ទន្ទឹមគ្នានេះ នាងបានទម្លាយអារម្មណ៍ពិតពីតួនាទីជាប្រពន្ធនិងម្តាយដែលនារីគ្រប់រូបគួរស្វែងយល់។

តារាស្រីហង្ស ម៉ារីនី បានបង្ហោះរូបភាពភ្ជាប់ខ្លឹមសារបែបនេះថា អូនដឹងថា បងអាចរកស្រីស្អាតហើយ ក្មេងជាងអូនបានដោយងាយមានមិនខ្វះ ប៉ុន្តែបងមិនអាចរកស្រីណាម្នាក់ដែលស្រឡាញ់បងខ្លាំងជាងអូនហើយល្អជាងអូនបានទេ។

នាងបន្តថា ប្រពន្ធមិនមានពេលគ្រប់គ្រាន់ក្នុងការតុបតែងខ្លួនឱ្យស្អាតគ្រប់ពេលដូចស្រីក្រៅប៉ុន្តែប្រពន្ធមានពេលគ្រប់គ្រាន់សម្រាប់នៅក្បែរមើលថែប្តីនិងកូនបានគ្រប់ពេលវេលាគ្រប់វិនាទី។ នេះហើយជីវិតជាប្រពន្ធពេលមានប្តីស្រឡាញ់ប្តីជាងខ្លួន ពេលមានកូនស្រឡាញ់កូនជាងជីវិតនេះជារឿងពិតរបស់ស្ត្រីគ្រប់រូប។

ហង្ស ម៉ារីនី បន្ថែមថា ជីវិតប្តីប្រពន្ធពាក្យថាស្រឡាញ់មួយម៉ាត់គឺមិនគ្រប់គ្រាន់ទេត្រូវមានព្រហ្មវិហារ ធម៌ មេត្តាស្រឡាញ់អាណិតយល់ចិត្តមើលថែយោគយល់អត់អោនអធ្យាស្រ័យលើកលែងជាពិសេសគឺភាពស្មោះត្រង់ចំពោះគ្នា។ ប្រពន្ធស្អាតងាយរកណាស់ តែតែប្រពន្ធល្អរកបានដោយកម្រ។

អ្នកនាង ហង្ស ម៉ារីនី គឺជាតារាសម្តែងស្រីមួយដួងដែលធ្លាប់ទទួលបានការគាំទ្រច្រើនតាមរយៈខ្សែ ភាពយន្តមួយចំនួន។ មិនតែប៉ុណ្ណោះកន្លងមកនាងក៏ធ្លាប់ទទួលបានការសរសើរពីសកម្មភាពមនុស្ស ធម៌ជួយសង្គមផងដែរ៕

ដោយ ៖ ចាន់រ៉ា