ជីវិតកម្សាន្ដ

ចេតិយដែលជាបំណងចុងក្រោយព្រឹទ្ធាចារ្យ គង់ ណៃ សម្រេចការសាងសង់រួចរាល់ជាស្ថាពរ

បានផុស

៤ years មុន

នៅ

ថ្ងៃអង្គារ ៣ សីហា ២០២១

ដោយ

ភ្នំពេញ ៖ ទីបំផុតចេតិយដែលត្រូវបានសាងសង់សម្រាប់បំណងចុងក្រោយរបស់ព្រឹទ្ធាចារ្យចាប៉ីដង វែង លោកតា គង់ ណៃ បានសម្រេចការ សាងសង់ជាស្ថាពររួចហើយ។ នេះបើតាមការបញ្ជាក់ពីលោក អ៊ឹម ជីវ៉ា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចេតិយដែល មាន តម្លៃ ប្រមាណ ជាង ២ ម៉ឺនដុល្លារស ម្រាប់លោកតា គង់ ណៃ នេះគឺជាអំណោយលោក ជំទាវ ហ៊ុន ស៊ី ណាត នឹម ច័ន្ទ តារា និង លោក ជំទាវ ឧកញ៉ា នឹម វណ្ណៈ ដើម្បី បំពេញ បំណងចុងក្រោយរបស់លោកតាដែល ស្នើសូម លោកជំទាវនិងក្រុមគ្រួសារកន្លងមក។

ចេតិយនេះត្រូវ បាន កសាង ឡើង លើ ផ្ទៃដី មួយ កន្លែងដែលស្ថិតនៅភូមិដូង ឃុំ ស្វាយ ទង ខាងជើងស្រុកកំពង់ត្រាច់ខេត្តកំពត។ លោកជំទាវ ហ៊ុន ស៊ីណាត ធ្លាប់ មាន ប្រសាសន៍ លើក ឡើង ថាមូលហេតុដែលកសាងចេតិយជូនលោកតា គង់ ណៃ ដោយសារតែធ្វើតាមការស្នើសូមនិងជួយបំពេញបំណងចុងក្រោយរបស់គាត់។

លោកជំទាវ ហ៊ុន ស៊ី ណាត មានប្រសាសន៍ទៀតថា លោកតា គង់ ណៃ គាត់ ជួយ សង្គម និង លើកស្ទួយសិល្បៈអភិរក្សវប្បធម៌លើសលប់ទើបលោកជំទាវនិងក្រុមគ្រួសារសម្រេចកសាងចេតិយតម្លៃជាង២ម៉ឺនឲ្យសមតម្លៃនិងកេរ្តិ៍ឈ្មោះកិត្តិយសរបស់ គាត់តែម្តង។

សូមបញ្ជាក់ថា ក្រៅពីនោះ ដែរលោក ជំទាវនិង ក្រុម គ្រួសារ ក៏ បាន ជួយចិញ្ចឹមលោកតារយៈពេល៥ឆ្នាំទៀតដោយឧបត្ថម្ភជារៀងរាល់ខែដោយក្នុងមួយខែៗគឺថវិកាចំនួន៥០ម៉ឺនរៀល,មី ១ កេស , ត្រីខ ១ យួរ , ទឹកស៊ីវ១យួរ និង អង្ករ ចំនួន ៥០ គីឡូក្រាម ផងដែរ៕

ដោយ ៖ ចាន់រ៉ា