ជីវិតកម្សាន្ដ

តារាប្រុស ៣ ដួងប្រចាំប៉ុស្តិ៍លេខ ៧ ថៃ ស្វះស្វែងជាក្រុម វេចខ្ចប់អាហារហូបចុកជួយអ្នករងគ្រោះដោយកូវីដ

បានផុស

៣ years មុន

នៅ

ថ្ងៃចន្ទ ៩ សីហា ២០២១

ដោយ

ការរីករាលដាលនៃជំងឺកូវីដក្នុងប្រទេសថៃ គឺបង្ហាញថាហាក់មិនថមថយសោះឡើយ។ មនុស្សជាច្រើន បានរងគ្រោះដោយសារវិបត្តិនេះ មិនថាជាអ្នកឆ្លងមេរោគ ដែលត្រូវការការព្យាបាល ក្រុមហានិភ័យ អ្នកឃុំខ្លួនតាមផ្ទះ ហើយគ្រួសារជាច្រើនគ្មានការងារធ្វើ ខ្វះប្រាក់ចំណូល និងឆ្លងកាត់ការលំបាកក្នុងជីវិតដូចគ្នា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយមើលឃើញដូចនេះ ជាក់ស្ដែងតារាប្រចាំប៉ុស្តិ៍លេខ៧ថៃទាំង៣ដួង ដូចជាលោក Kem Hassawee លោក Euro yotsawat និងលោក Ben santiraj បានចូលរួមកម្លាំង ដើម្បីសង្គ្រោះអ្នករងគ្រោះដោយសារជំងឺកូវីដក្នុងប្រទេស។

តារាប្រុសទាំង៣រូបនេះ បានវេចខ្ចប់របស់ហូបចុកចំនួន ៣០០ ឈុត មានអង្ករ ទឹកសុទ្ធ ទឹកដោះគោ អាហារក្រៀមៗ ទឹកអាកុល ថ្នាំពេទ្យ សម្រាប់អ្នកជំងឺកូវីដ -១៩។ ចំពោះការបរិច្ចាគត្រូវបានធ្វើឡើង តាមរយៈព្រះគ្រូចៅអធិការ PhraKru Samut Watchara នៅវត្ត Rakhang Kositaram woramahawihan ហើយត្រូវបានបញ្ជូនទៅសហគមន៍ក្បែរនោះ នៅក្រុងបាងកក។

លើសពីនេះ ថង់សង្គ្រោះនេះត្រូវបានបញ្ជូនទៅសហគមន៍នៅតាមដងផ្លូវ ដែលមានមនុស្សត្រូវបានឃុំខ្លួន ដោយសារតែកូវីដ និងបានរងគ្រោះជាច្រើនគ្រួសារថែមទៀត។

បើទោះបីជាជារថយន្តជំនួយ របស់តារា៣ដួងនេះ មិនអាចចូលតាមផ្លូវតូចៗក្នុងសហគមន៍ តែយ៉ាងណាពួកលោក ក៏នៅតស៊ូជួយដល់មនុស្សដែលកំពុងខ្វះខាតទាំងនោះ ដោយមិនខ្លាចនឿយហត់។ ទឹកទឹកសប្បុរស បានធ្វើឲ្យអ្នកគាំទ្រក្រុមរបស់លោក មានកោតសរសើរនិងមានមោទនភាពជាខ្លាំង៕

ចុចអាន៖Mike បរិច្ចាគរបាំងមុខនិងម៉ាស១១,០០០ កេស ដល់មន្ទីរពេទ្យជួបការលំបាក ដោយសារកូវីដនៅ ថៃ

ចុចអាន៖អស់ពីបរិច្ចាគ ! Min ស៊ូលះបង់ស្លៀកឈុត PPE ចុះចែកអាហារដល់ជនអនាថា រងគ្រោះដោយកូវីដម្ដង