ជីវិតកម្សាន្ដ

តួឯករឿង ទុំទាវ ប្រកាសសុំជំនួយជួយវីរសិល្ប ករ រិទ្ធ សារី កំពុងធ្លាក់ខ្លួនឈឺធ្ងន់

បានផុស

៣ years មុន

នៅ

ថ្ងៃអង្គារ ១០ សីហា ២០២១

ដោយ

ភ្នំពេញ ៖ ដោយទទួលដំណឹងនៃការធ្លាក់ខ្លួនឈឺនិងជួបជីវភាពខ្វះខាតក្នុងគ្រួសារពីសំណាក់តារាសម្តែងជើងចាស់លោកគ្រូ រិទ្ធ សារី នោះថ្មីៗនេះតួឯកក្នុងរឿង ទុំទាវ លោក ស៊ុក សុភា បានចេញមុខអំពាវនាវសុំជំនួយពីមហាជន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អតីតតារាសម្តែងប្រុសល្បីឈ្មោះលោក ស៊ុក សុភា បច្ចុប្បន្នត្រូវបានគេដឹងថា លោកកំពុងតែរស់នៅសាងសុភមង្គលគ្រួសារនៅឯប្រទេសអូស្ត្រាលីយ៉ាងមា នសេចក្តីសុខ។ ប៉ុន្តែទោះបីរវល់ខ្លាំងលោកក៏ឆ្លៀតអំពាវនាវដល់សប្បុរសជនឲ្យជួយចូលរួមចែករំលែ កដល់លោកតា រិទ្ធ សារី ដែលជាសិល្បករជើងចាស់លះបង់កម្លាំងកាយចិត្តបម្រើអារម្មណ៍បងប្អូនទស្សនិកជនតាមរយៈមានស្នាដៃជាច្រើនផងដែរ។

បើតាមលោក ស៊ុក សុភា បានរៀបរាប់ឲ្យដឹងនៅលើគណនីហ្វេសប៊ុករបស់ខ្លួនថា «តារាភាពយន្ដជើងចាស់ដ៏ល្បីលោកពុក រិទ្ធ សារី សព្វថ្ងៃមានអាយុ៨០ជាងឆ្នាំហើយលោកពុកកំពុងមានជំងឺសម្រាកព្យាបាលនៅមន្ទីរពេទ្យខេត្តបាត់ដំបង។ បងប្អូនចង់ចូលរួមជាថវិកាជូនគាត់អាចទាក់ទងមកខ្ញុំបាទ អាណិតគាត់ណាស់»។

សូមបញ្ជាក់ថា ស្ថិតក្នុងវ័យ៨០ឆ្នាំ វីរសិល្បករលោក តា រិទ្ធសារី បច្ចុប្បន្នកំពុងមានជំងឺរួមរឹតប្រចាំកាយគួរឲ្យសង្វេគជាទីបំផុត។ មិនតែប៉ុណ្ណោះលោកតាក៏ត្រូវចិញ្ចឹមចៅៗ២នាក់នៅក្នុងបន្ទុកព្រោះឪពុកម្តាយរបស់ពួកគេចេញទៅធ្វើការងារនៅប្រទេសថៃ ហើយក៏ត្រូវជាប់គាំងនៅទីនោះដោយសារបញ្ហាជំងឺកូវីដ-១៩៕

ដោយ ៖ ចាន់រ៉ា