ជីវិតកម្សាន្ដ

រោងភាពយន្តឌីជីថលដំបូងគេនៅកម្ពុជាប្រកាសបញ្ចេញស្នាដៃថ្មីរបស់ខ្លួន

បានផុស

៣ years មុន

នៅ

ថ្ងៃពុធ ១១ សីហា ២០២១

ដោយ

បន្ទាប់ពីមានការប្រកាសបើកឲ្យដំណើរការសាកល្បងកាលពីថ្មីៗនោះ គេសង្កេតឃើញសន្ទុះនៃការគាំទ្រពីគ្រប់មជ្ឈដ្ឋានទៅលើរោងភាពយន្តអនឡាញដំបូងគេរបស់កម្ពុជា ដែលបង្កើតដោយកូនខ្មែរមានឈ្មោះថាAngkor DCកាន់តែមានការកើនឡើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមគ្នានៃការគាំទ្រនេះដែរ Angkor DCដែលជារោងភាពយន្តឌីជីថលដំបូងគេនៅកម្ពុជា ថ្មីៗនេះក៏បានប្រកាសត្រៀមបញ្ចេញនូវស្នាដៃភាពយន្តថ្មីរបស់ខ្លួន នៅថ្ងៃទី១២ ខែសីហា ឆ្នាំ២០២១ស្អែកផងដែរ។ រឿងថ្មីដែលត្រៀមបម្រើអារម្មណ៍អ្នកទស្សនានេះ មានចំណងជើងថា ស្នាមញញឹមចុងក្រោយ ។

បើតាមការបញ្ជាក់សម្រាប់តួអង្គសំខាន់ៗនោះរួមមាន,កញ្ញា អេឡា ,លោក ទេព រិនដារ៉ូ ,លឹម ជាឡាយ, សេន ភារុន , អ៊ុំ សុវណ្ណគិរី និងតារាប្រុស-ស្រីល្បីៗជាច្រើនទៀតផងដែរ។ តាមរយ:នេះដែរគេឃើញមានទស្សនិកជនជាច្រើនកំពុងរង់ចាំទស្សនាដោយអន្ទះសារគ្រប់គ្នា។

គួរបញ្ជាក់ដែរថា ការប្រកាសអំពីការបើកដំណើរការសាកល្បងរោងភាពយន្តឌីជីថលនេះ បានធ្វើឡើងកាលពីថ្ងៃទី០៧ ខែកក្កដាឆ្នាំ២០២១។ នេះក៏ចាត់ទុកថា ជារបត់ថ្មីសម្រាប់ការអភិវឌ្ឍន៍វិស័យភាពយន្តនៅកម្ពុជានិងជាការសម្របខ្លួនក្នុងបរិបទនៃការរាលដាលនៃជំងឺកូវីដ-១៩។

App ថ្មីនេះ ក៏ជាការចូលរួមចំណែកពង្រីកទីផ្សារវិស័យភាពយន្តនៅកម្ពុជា ពិសេសសម្រាប់អ្នកគ្មានពេលវេលាច្រើនដើម្បីមកទស្សនាក្នុងរោងភាពយន្ត និងអ្នករស់នៅក្រៅប្រទេសអាចចូលរួមទស្សនាបានដោយរីករាយដោយការចំណាយតិចចំណេញពេលវេលា និងការទស្សនាភាពយន្តរួមគ្នាជាមួយមិត្តភ័ក្កិក្រុមគ្រួសារនោះជាដើម៕

អត្ថបទ ៖ ចាន់រ៉ា