ជីវិតកម្សាន្ដ

សុន ស្រីពេជ្រ ត្រូវរ៉ាប់រងចិញ្ចឹមកូន២នាក់ ក្រោយធ្លាយដំណឹងលែងលះស្វាមី

បានផុស

៣ years មុន

នៅ

ថ្ងៃព្រហស្បតិ៍ ១២ សីហា ២០២១

ដោយ

តារាចម្រៀងមនោសញ្ចេតនាសំនៀងផ្អែមអ្នកនាង សុន ស្រីពេជ្រ ស្របពេលដែលអាជីពសិល្ប:ហាក់ស្ងប់ស្ងាត់មួយរយ: ក៏ស្រាប់តែថ្មីៗនេះធ្លាយដំណឹងនៃការលែងលះស្វាមីយ៉ាងភ្ញាក់ផ្អើល។

ប្រភពនិយាយថា ក្រោយទទួលបានចំណងដៃកូនប្រុស-ស្រី២នាក់រួចមក ចំណងស្នេហ៍របស់ ស្រីពេជ្រ និងស្វាមី ក៏មានភាពរង្គោះរង្គើរហូតឈានដល់ការបែកបាក់ក្រោមហេតុផលរស់នៅមិនចុះសម្រុង ទើបពួកគេចែកផ្លូវគ្នាដើររៀងខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពបន្តថា បន្ទាប់ពីបែកបាក់ស្វាមី បន្ទុកចិញ្ចឹមកូនគឺធ្លាក់លើ សុន ស្រីពេជ្រ ហើយនាងក៏តាំងជំហរយ៉ាងមុតមាំមើលថែកូនទាំង២ និងប្រឹងប្រែងពង្រឹងមុខរបរឱ្យកាន់តែល្អប្រសើរ។ ជុំវិញដំណឹងបែកបាក់នេះដែរតារាស្រី សុន ស្រីពេញ បានបញ្ជាក់ប្រាប់សារព័ត៌មានដោយខ្លីថា នាងនិងស្វាមីពិតជាចែកផ្លូវគ្នាហើយ។

គេចាំបានថា តាតារាចម្រៀងស្រី សុន ស្រីពេជ្រ និងអតីតស្វាមីបានភ្ជាប់ទំនាក់ទំនងស្នេហាជាមួយគ្នាអស់រយៈពេលជាច្រើនឆ្នាំរហូតរួមរស់ជាមួយគ្នាទទួលបានកូនស្រីម្នាក់គួរឲ្យស្រឡាញ់។ ក្រោយមកក៏បានដឹកដៃអតីតស្វាមីបណ្ដូលចិត្តលោក តិច សុខជា ចូលរោងការកាលពីថ្ងៃទី២៣ ខែតុលា ឆ្នាំ២០២០។ ពិធីមង្គលការនោះ បានធ្វើឡើងយ៉ាងអធិកអធម ដោយមានការចូលរួមពីសាច់ញាតិទាំងសងខាង មិត្តភក្តិក្នុងនិងក្រៅសិល្បៈ។ ក្រោយរៀបការពួកគេ ក៏ទទួលបានចំណងដៃកូនប្រុសម្នាក់ទៀតផងដែរ៕

អត្ថបទ ៖ ចាន់រ៉ា