ជីវិតកម្សាន្ដ

ឌឿ វិសាល ត្រៀមបទរៀបរាប់ការលះបង់ក្រុមគ្រូពេទ្យកូវីដ-១៩ ដែលឃ្លាតឆ្ងាយគ្រួសារ

បានផុស

៣ years មុន

នៅ

ថ្ងៃសុក្រ ១៣ សីហា ២០២១

ដោយ

ភ្នំពេញ ៖ ជាគ្រូពេទ្យស្ម័គ្រចិត្តប្រយុទ្ធប្រឆាំងកូវីដ-១៩ និងតារាចម្រៀងរូបសង្ហាលោក ឌឿ វិសាល ហៅធូ បានធ្វើឲ្យមហាជនផ្ទុះការសរសើរនិងគាំទ្រខ្លាំងបន្ទាប់ពីលោកបានលះបង់ពេលវេលាដើម្បីចូលរួមកំចាត់កូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមគ្នាកំពុងបំពេញការងារជាគ្រូពេទ្យស្ម័គ្រចិត្តប្រយុទ្ធប្រឆាំងកូវីដ-១៩នេះដែរ តារាចម្រៀង ឌឿ វិសា ល ក៏ត្រូវបានបង្ហើបពីការត្រៀមចេញបទចម្រៀងថ្មីមួយបទទៀតដែលច្រៀងរៀបរាប់ពីការលះបង់របស់ក្រុមគ្រូពេទ្យកូវីដ-១៩ ដែលឃ្លាតឆ្ងាយគ្រួសារដើម្បីសង្គ្រោះជីវិតអ្នកជំងឺ។

ឌឿ វិសាល បានបញ្ជាក់ថា លោកកំពុងរៀបចំបទចម្រៀងមួយបទតាមសំណូមពររបស់លោកគ្រូអ្នកគ្រូជាច្រើនដែលគាត់បានឃ្លានឆ្ងាយពីគ្រួសារប្តីប្រពន្ធ កូន គូដណ្តឹង ដើម្បីមកបំពេញកាតព្វកិច្ចជាគ្រូពេទ្យជូនជាតិ។

តារាចម្រៀង ឌឿ វិសាល បាននិយាយបន្ថែមថា ពេលនេះខ្ញុំត្រូវតាមដាននឹងសង្កេតកត់ទុកនៅអ្វីដែលខ្ញុំបានឃើញព្រោះអារម្មណ៍មានគ្រួសារខ្ញុំមិនទាន់មាន។ មហាជនបានបង្ហាញការគាំទ្រចំពោះលោក ឌឿ វិសាល។

សូមបញ្ជាក់ថា លោក ឌឿ វិសាលត្រូវបានទស្សនិកជនដឹងថា លោកគឺជាតារាចម្រៀងមួយដួងដែលសុខចិត្តលះបង់ចោលការងារសិល្បៈដើម្បីចូលរួមបេសកកម្មជាកងទ័ពអាវសជួយដល់ប្រជាពលរដ្ឋក្នុងដំណាក់កាលកូវីដ-១៩។ ទង្វើនេះទទួលបានការគាំទ្រនិងកោតសរសើរច្រើនពីមហាជន៕

ដោយ ៖ ចាន់រ៉ា