ជីវិតកម្សាន្ដ

មានដឹងទេ ចំណងស្នេហ៍នាយ ចយ មកដល់ពេលនេះយ៉ាងម៉េចហើយ ក្រោយរៀបការ៣ឆ្នាំ

បានផុស

៣ years មុន

នៅ

ថ្ងៃសុក្រ ២០ សីហា ២០២១

ដោយ

ចំណងស្នេហារបស់តារកំប្លែងនាយ ចយ និងភរិយាស្រស់ស្អាតអ្នកនាង ខ្វាន់ឌី គិតមកទល់ពេលនេះមានរយៈពេលប្រមាណជាង៣ឆ្នាំមកហើយ ខណ:ពួកគេក៏ទទួលបានចំណងដៃកូនប្រុសជាទីស្រឡាញ់ម្នាក់ផងដែរ។

គេចាំបានថា ពិធីអាពាហ៍ពិពាហ៍របស់លោក សែ ភិន ហៅនាយ ចយ និងភរិយាអ្នកនាង ប៉ិន ក្វាន់ឌី បានរៀបចំធ្វើឡើងកាលពីថ្ងៃ២៧ ខែកុម្ភៈ ឆ្នាំ២០១៨ នៅវិមានពិភពថ្មីសែនសុខ ដោយមានភ្ញៀវនិងអ្នកសិល្ប:ល្បីៗជាច្រើនចូលរួម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកនៅអំឡុងពេលមុនថ្ងៃរៀបការ គឺគេឃើញមានមតិរិះគន់មួយចំនួនបានកើតឡើងមកលើអ្នកទាំងពីរដោយខ្លះលើកឡើងថា ចំណងស្នេហ៍មួយនេះកើតឡើងដោយសារតែលុយបើមិនមែនលុយ ក៏គេមិនយកនាយចយនោះដែរ។ ប៉ុន្តែអ្វីៗដែលបង្ហាញកាន់តែច្បាស់នោះ គឺចំណងស្នេហ៍ពួកគេកាន់តែរឹងមាំនិងមានភាពផ្អែមល្ហែមគួរឲ្យសរសើរ។

ត្រង់ចំណុចនេះ បានធ្វើឲ្យអ្នកគាំទ្រនិងមហាជនផ្ទុះការសរសើរគ្រប់គ្នាសមដូចអ្វីដែលភរិយានាយ ចយ ធ្លាប់លើកឡើងថា មិនដែលស្រលាញ់អ្នកណាដោយសារឋានៈឬលុយកាក់ ប៉ុន្តែបើស្រលាញ់គឺស្រលាញ់ដោយសារទឹកចិត្តស្រលាញ់ ចេះមើលថែយកចិត្តទុកដាក់គ្នានិងព្រមទទួលយកចរិតពិតរបស់គ្នា លុយកាក់បើខ្វះខាតអាចជួយគ្នារកបាន សុំត្រឹមតែស្មោះត្រង់គឺគ្រប់គ្រាន់ហើយ។

សូមជម្រាបដែរថា ពិធីរៀបមង្គលការនាយ ចយ កាលនោះត្រូវបានរៀបចំយ៉ាងអាធិកអាធមអមដោយតារាកំប្លែងល្បីៗជាច្រើននាក់ ហើយជាពិសេស វត្តមានកូនប្រុសទាំងពីររបស់សម្តេចតេជោនាយករដ្ឋមន្ត្រីចូលរួមជាហេតុធ្វើឲ្យតារាកំប្លែងអភ័ព្វរូបសម្បត្តិនាយ ចយ រំភើបទប់ទឹកភ្នែកមិនបាន៕

អត្ថបទ ៖ ចាន់រ៉ា