ជីវិតកម្សាន្ដ

បេក្ខជន ៨ក្រុម និងទោល ក្នុងវគ្គជម្រុះដោយគណៈកម្មការសប្ដាហ៍ទី៣

បានផុស

៣ years មុន

នៅ

ថ្ងៃចន្ទ ៣០ សីហា ២០២១

ដោយ

កន្លងផុតទៅអស់ពីរសប្ដាហ៍ ពេលនេះវគ្គជម្រុះដោយគណៈកម្មការ ក្នុងកម្មវិធីវង់តន្ត្រីខ្មែរ រដូវកាលទី២ បានឈានមកដល់សប្ដាហ៍ទី៣ហើយ ដែលបេក្ខជន ៨ក្រុម និងទោលផ្សេងទៀត នឹងបង្ហាញសមត្ថភាពតាមរយៈវីដេអូសម្ដែងរបស់ខ្លួន ជូនទៅកាន់គណៈកម្មការទាំង ៤រូប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសប្ដាហ៍ទី៣នេះ មានសមាសភាពបេក្ខជនដូចជា៖

១. បេក្ខជន ក្រុមមរតកអង្គរ មកពីខេត្តសៀមរាប

២. បេក្ខជន ហ៊ាង សុហាន មកពី ខេត្តសៀមរាប

៣. បេក្ខជន សេង អូន មកពីខេត្តឧត្តរមានជ័យ

៤. បេក្ខជន ក្រុមយុវជនសាមគ្គី ១២៥ មកពីរាជធានីភ្នំពេញ

៥. បេក្ខនារី ស៊ី ចន្ទសុជាតា មកពីរាជធានី ភ្នំពេញ

៦. បេក្ខជន ក្រុមមន្ទីរវប្បធម៌ខេត្តកែប មកពីខេត្តកែប

៧. បេក្ខជន ក្រុមយុវជននគរតន្ត្រីបុរាណខ្មែរ មកពីរាជធានីភ្នំពេញ

៨. បេក្ខជន ក្រុមយុវជនល្ខោនខោលកម្ពុជា មកពីរាជធានីភ្នំពេញ

គួររំឭកថា វគ្គជម្រុះដោយគណៈកម្មការ គឺមានការបែងចែកជា ៤សប្ដាហ៍ ហើយសប្ដាហ៍ទី៤ គឺជាថ្ងៃប្រកាសលទ្ធផលរួម របស់បេក្ខជនទាំង ៣០ក្រុម និងទោលផងដែរ ដើម្បីស្វែងរកបេក្ខជនឆ្នើម ២០ក្រុម និងទោល ឆ្ពោះទៅកាន់វគ្គកំពូលទាំង២០ ឬ Top20។

ជាមួយគ្នានោះ កម្មវិធីវង់តន្ត្រីខ្មែរ រដូវកាលទី២ ដែលរៀបចំ និងផ្ដួចផ្ដើមបង្កើតឡើង ដោយសហភាពសហព័ន្ធយុវជនកម្ពុជា ខេត្តស្វាយរៀង គាំទ្រដោយ ក្រសួងវប្បធម៌ និងវិចិត្រសិល្បៈ និងសមាគមមិត្តតន្ត្រីករ នឹងមានការចាក់ផ្សាយលើកញ្ចក់ទូរទស្សន៍ BTV រៀងរាល់ថ្ងៃសៅរ៍ ចាប់ពីម៉ោង ៧យប់តទៅ និងការផ្សាយបន្តផ្ទាល់លើផេកផ្លូវការ របស់សហភាពសហព័ន្ធយុវជនកម្ពុជា ខេត្តស្វាយរៀងផងដែរ៕