ជីវិតកម្សាន្ដ

ជ័យ សុវ៉ាត ចេញបទ កងទ័ពអាវស លើកទឹកចិត្តដល់គ្រូពេទ្យកូវីដ១៩ ទទួលបានការគាំទ្រខ្លាំង

បានផុស

៣ years មុន

នៅ

ថ្ងៃព្រហស្បតិ៍ ២ កញ្ញា ២០២១

ដោយ

ជាគ្រូពេទ្យស្ម័គ្រចិត្តប្រយុទ្ធប្រឆាំងកូវីដ-១៩ និងតារាចម្រៀងរូបសង្ហា លោក ជ័យ សុវ៉ាត កាន់តែធ្វើឲ្យមហាជនផ្ទុះការសរសើរ និងគាំទ្រខ្លាំងបន្ទាប់ចេញបទកងទ័ពអាវស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានៃការចេញបទនេះ លោក ជ័យ សុវ៉ាត បានថ្លែងថាមកដល់ហើយបាទចម្រៀងមួយបទនេះ សូមលើកទឹកចិត្តដល់បងៗកងទ័ពអាវសទាំងអស់គ្នា ក្នុងគ្រានេះអ្នកពិតជាអស្ចារ្យណាស់សម្រាប់ប្រទេសរបស់យើងអរគុណដល់ការលះបង់ដ៏ធំធេងមួយនេះ។

តារាចម្រៀងលោក ជ័យ សុវ៉ាត បានបន្តថា ខ្ញុំបាទក៏សូមអរគុណយ៉ាងខ្លាំងក្រៃលែងដល់ប្រជាជនកម្ពុជាទាំងអស់ ដែលតែងតែលើកទឹកចិត្តដល់ពួកយើងគ្រប់ពេល។ ការបង្ហាញវត្តមានជាគ្រូពេទ្យជួរមុខ ប្រយុទ្ធប្រឆាំងជំងឺកូវីដ-១៩ នៃសមាគមគ្រូពេទ្យធីតា ដើម្បីចូលរួមសកម្មភាពជួយសង្គ្រោះអ្នកជំងឺកូវី-១៩របស់លោក ជ័យ សុវ៉ាត នេះបានធ្វើឲ្យមហាជនគាំទ្រ និងសរសើរខ្លាំងចំពោះទឹកចិត្តលះបង់ដ៏ធំធេងនេះ។

សូមបញ្ជាក់ថា លោក ជ័យ សុវ៉ាត ត្រូវបានទស្សនិកជនដឹងថា លោកគឺជាតារាចម្រៀងមួយដួងដែលសុខចិត្តលះបង់ចោលការងារសិល្បៈ ដើម្បីចូលរួមបេសកកម្មជាកងទ័ពអាវសជួយដល់ប្រជាពលរដ្ឋ ក្នុងដំណាក់កាលកូវីដ-១៩។ ទង្វើនេះទទួលបាន ការគាំទ្រនិងកោតសរសើរច្រើនពីមហាជន៕

អត្ថបទ៖ ចាន់រ៉ា

Related Topics:តារាចម្រៀងខ្មែរ