ជីវិតកម្សាន្ដ

រចនា រ៉ាវ៉ាឌី ខំនិយាយទាំងអួលដើម ក ពេលរម្លឹកដល់រឿងឈឺចាប់មួយនេះ

បានផុស

៣ years មុន

នៅ

ថ្ងៃសុក្រ ៣ កញ្ញា ២០២១

ដោយ

កញ្ញា រចនា រ៉ាវ៉ាឌី ជាតារាស្រីវ័យក្មេងមួយរូបដែលទទួលបានការគាំទ្រ និងក្រសោបបានទីផ្សារសម្តែងច្រើនអំឡុងមួយរយេ:ពេលចុងក្រោយនេះ។ ប៉ុន្តែកាលពីថ្មីៗកន្លងទៅ នាងក៏បានធ្វើឲ្យទស្សនិកជនភ្ញាក់ផ្អើលបន្ទាប់ពីទម្លាយរឿងរ៉ាវឈឺចាប់មួយចំនួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយ:វីដេអូខ្លីមួយដែលត្រូវបានបង្ហោះចែករំលែកនៅលើបណ្តាញសង្គម គេឃើញស្រីស្រស់ រ៉ាវ៉ាឌី ស្ថិតក្នុងអារម្មណ៍ក្តុកក្តួលខ្លាំង ពេលរម្លឹកដល់រឿងរបស់ខ្លួនដែលធ្លាប់រងការរិះគន់លើសមត្ថភាពទាំងរូបសម្ផស្សនិងសម្លេងជាដើម។

តារាស្រី រចនា រ៉ាវ៉ាឌី បានរៀបរាប់ទាំងអួលដើមក និងទឹកភ្នែករលីងរលោងថា កន្លងមកមានគេនិយាយថា សម្លេងស្រាលដូចខ្មោច ហើយមាឌធាត់ឌាំងអញ្ចឹងតើយកមកធ្វើតួកុនដែរ?។ បើយកមកសម្តែងដូចជាមិនសមឡើយ។ នាងថា ពេលនោះហើយដែលធ្វើឲ្យអារម្មណ៍ខ្លួនហាក់បីដូចបាក់ទឹកចិត្តខ្លាំង។

រចនា រ៉ាវ៉ាឌី និយាយទៀតថា ក្រោយមកទៀតទើបដឹងថា អ្វីដែលគេមើលងាយយើងជាគន្លឹះដែលអាចធ្វើឲ្យយើងខ្លួនឯងកាន់តែរឹងមាំឡើង ដោយត្រូវពង្រឹងសមត្ថភាពខ្លួនធ្វើឲ្យបាន។ នាងបន្ថែមថានេះក៏ដើម្បីឲ្យទឹកភ្នែកលាងភាពទន់ជ្រាយរបស់ខ្ញុំចេញ ហើយដើរឆ្ពោះទៅមុខជាមួយភាពរឹងមាំរបស់ខ្ញុំបន្តទៀត៕

អត្ថបទ៖ ចាន់រ៉ា