ជីវិតកម្សាន្ដ

ស្ងាត់ៗ កែវ ពេជ្រពិសី ស្រាប់តែត្រៀមសម្រាលកូនឆាប់ៗនេះ

បានផុស

៤ years មុន

នៅ

ថ្ងៃចន្ទ ៦ កញ្ញា ២០២១

ដោយ

តារាសម្តែងពូកែខាងទឹកភ្នែក កែវ ពេជ្រពិសី កាលពីកន្លងទៅមានដំណឹងនៃការសាងសម្ព័ន្ធភាពស្នេហ៍ស្ងាត់ៗជាមួយបុរសអ្នកជំនួញឆ្លងទ្វីបអាណិកជនខ្មែររស់នៅកាណាដា។ មិនតែប៉ុណ្ណោះថែមទាំងបានរៀបចំពិធីភ្ជាប់រួចរាល់ហើយផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលនោះបើទោះបី កែវ ពេជ្រពិសី បានក្លាយទៅជាគូដណ្ដឹង ដែលជាអាណិកជនមកពីកាណាដាហើយក៏ពិតមែន។ ប៉ុន្ដែរហូតមកទល់ពេលនេះ នាងនៅមិនទាន់ហ៊ានកំណត់ពេលវេលាឬថ្ងៃចូលរោងការជាក់លាក់នៅឡើយទេ ព្រោះបញ្ហាជំងឺកូវីដ-១៩ កំពុងតែផ្ទុះឡើង។

ដោយឡែកថ្មីៗនេះស្រាប់តែមានដំណឹងទៀតថា តារាសម្តែងអ្នកនាង កែវ ពេជ្រពិសី កំពុងសម្ងំពពោះកូនក្នុងផ្ទៃជិតគ្រប់ខែ ដែលត្រៀមនិងសម្រាលឆាប់ៗខាងមុខនេះ។ តាមរយៈព័ត៌មាននេះ បានធ្វើឲ្យអ្នកគាំទ្រចាប់អារម្មណ៍ដោយហេតុថា មិនទាន់មានដំណឹងរៀបការផង ពិសី មានកូនបាត់ទៅហើយ។

គេនៅចាំថា កែវ ពេជ្រពិសី បានភ្ជាប់ពាក្យជាមួយអាណិកជនខ្មែរមកពីកាណាដាលោក ពៅ សម្បតិ ដែលគិតមកដល់ពេលនេះមានរយៈពេលជាង១ឆ្នាំ ទៅហើយខណៈពេលនេះនាងក៏ទទួលបានកាដូពិសេសក្នុងជីវិត ដែលកើតចេញពីចំណងស្នេហាផ្អែមល្ហែម គឺកូនប្រុសម្នាក់ដែលត្រៀមនឹងសម្រាលនៅចុងខែកញ្ញាឆ្នាំ២០២១ខាងមុខនេះ។

ជាមួយគ្នានេះ អ្នកនាង កែវ ពេជ្រពិសី បានឲ្យដឹងថា នាងបានទៅពិនិត្យសុខភាពជាញឹកញាប់នៅមន្ទីរពេទ្យមួយដែលមានគុណភាពមិនចាញ់ពេទ្យថៃទេ ហើយខ្លួនក៏មិនបារម្ភការឆ្លងទន្លេកូនទី១នេះដែរ បើទោះបីជាត្រូវសម្រាលដោយវះកាត់ក្ដី៕

អត្ថបទ៖ ចាន់រ៉ា

Related Topics:តារាសម្ដែងខ្មែរ