ជីវិតកម្សាន្ដ

តារាសម្តែងជើងចាស់ ច័ន្ទ តារាទី ងាកមកលក់ប្រហុក ផ្អក ខណៈសិល្បៈផ្អាកដោយសារកូវីដ

បានផុស

៤ years មុន

នៅ

ថ្ងៃព្រហស្បតិ៍ ៩ កញ្ញា ២០២១

ដោយ

ស្ថិតក្នុងវ័យជាង៥០ឆ្នាំ តារាសម្ដែងល្បីល្បាញអំឡុងទស្សវត្តឆ្នាំ៨០-៩០អ្នកស្រី ច័ន្ទ តារាទី បន្ទាប់ពីបាត់វត្តមានមួយរយ:ពីសិល្ប: ក៏ស្រាប់តែថ្មីៗនេះលេចដំណឹងថា អ្នកស្រីបានសម្រេចងាកមកចាប់យកមុខរបរលក់ប្រហុក ផ្អក ដើម្បីផ្គត់ផ្គង់ជីវភាពគ្រួសារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការដែលងាកមកចាប់មុខរបរថ្មីពីសំណាក់អ្នកស្រី ច័ន្ទ តារាទី នេះ គឺស្របពេលដែលវិបត្តិកូវីដ-១៩កំពុងតែរីករាលដាលហើយសកម្មភាពការងារមួយចំនួនធំត្រូវបានផ្អាកដំណើរការ ជាជាពិសេសសកម្មភាព ឬការងារសម្តែងសិល្ប:ត្រូវបានស្ងប់ស្ងាត់ទើបអ្នកស្រីឆ្លៀតពេលរកចំណូលបន្ថែម។

អ្នកស្រី ច័ន្ទ ដារ៉ាទី បានបញ្ជាក់ប្រាប់ពីមូលហេតុដែលនាំឲ្យចាប់យករបរលក់ប្រហុក ផ្អក នេះថា នេះក៏ដោយសារតែបច្ចុប្បន្នជួបវិបត្តិជំងឺកូវីដ-១៩ ទើបរកអ្វីលែងបានទៀត។ ម្យ៉ាងសម្រាប់អាជីពសម្ដែងរបស់អ្នកស្រីក៏ស្ងប់ស្ងាត់ ខណ:ពីមុនក្នុងមួយខែថតបាន២ទៅ៣រឿង ប៉ុន្តែឥឡូវមួយខែរកតែមួយរឿងមិនចង់បានផង។

អ្នកស្រីបន្ថែមថា កាលពីដំបូងឡើយអ្នកស្រីបានចាប់យករបរលក់គុយទាវ តែមិនទទួលបានជោគជ័យឡើយ ទើបអ្នកស្រីសម្រេចប្រើវិធីចុងក្រោយ គឺលក់ប្រហុក ផ្អក ដែលជាជំនាញផ្ទាល់ខ្លួន មួយរបស់អ្នកស្រី ។ បច្ចុប្បន្នការលក់ប្រហុកផ្អកនេះ គឺទទួលបានការគាំទ្រ និងសរសើរពីសំណាក់បងប្អូនដែលបានទិញយកទៅបរិភោគផងដែរ៕

អត្ថបទ៖ ចាន់រ៉ា