ជីវិតកម្សាន្ដ

ឌី សូនីតា ទម្លាយជំនឿសែនព្រះខែក្រោយសម្រេចបានបំណងធំ

បានផុស

៣ years មុន

នៅ

ថ្ងៃពុធ ២២ កញ្ញា ២០២១

ដោយ

តារាចម្រៀង ឌី សូនីតា មុននេះបានទម្លាយប្រាប់នូវរឿងវ៉ាវនិងជំនឿរបស់ខ្លួនលើការសែនព្រះខែខណ:ដែលបំណងនាងក៏ត្រូវបានសម្រេចក្រោយពេលការបន់ស្រន់នេះ។

តារាស្រី ឌី សូនីតា កន្លងមកត្រូវបានគេមើលឃើញថា សម្រាប់អាជីពសិល្ប:របស់នាងហាក់មានការជោគជ័យច្រើន លើសពីនេះ ឌី សូនីតា បច្ចុប្បន្នបានក្លាយជាអ្នកម្តាយមួយរូបក្រោយបែកធ្លាយសម្ព័ន្ធភាពតារាប្រុស ចន អេឡិចហ្សូរ៉ា យូរឆ្នាំមកនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកទាក់ទងនឹងរឿងជំនឿនៃការសែនព្រះខែឯណោះវិញត្រូវបាន ឌី សូនីតា ប្រាប់ឲ្យដឹងបែបនេះថា សែនព្រះខែឆ្នាំមុន និងសែនព្រះខែឆ្នាំនេះ បានដូចចិត្តដែលប៉ងប្រាថ្នា គិតទៅពូជខ្ញុំខ្សែខាងព្រះខែ។ នាងថា”កាលកំណើតខ្ញុំក៏ម្តាយខ្ញុំសុំខ្ញុំពីព្រះខែ ដល់ពេលកំណើតអូនស្មាយ៍ក៏ខ្ញុំសុំគាត់ពីព្រះខែដែរ”។

ឌី សូនីតា បាននិយាយបន្តថា កាលឆ្នាំមុនម៉ែសែនព្រះខែកូននៅក្នុងពោះម៉ែនៅឡើយ តែឆ្នាំនេះម៉ែសែនព្រះខែកូនម៉ែសែនជាមួយម្តាយបានសម្រេចដូចកាលម៉ែប៉ងឆ្នាំមុន។ ប៉ងសុំវង់ភ័ក្ត្រកូនម៉ែឲ្យល្អផូផង់ដូចព្រះខែពេញវង់ឥឡូវពេលនេះបានដូចចិត្ត មូលដូចព្រះខែបាំងឆ័ត្រ មូលជាងបាល់ទៀតកូន។

តាមរយ:ការលើកឡើងខាងលើនេះហើយដែល សូនីតា បញ្ជាក់ពីបំណងដែលនាងទទួលបានពីការសែនព្រះខែ៕

អត្ថបទ៖ ចាន់រ៉ា